«Jıbek joly» ralliınıŋ qatysuşylary Astanaǧa jettı, dep habarlaidy Astana äkımdıgınıŋ media ortalyǧy.
Alpystan astam kölıkten qūralǧan avto keruen şılde aiynyŋ basynda Mäskeudıŋ Qyzyl alaŋynan bastau alǧan bolatyn. Jalpy baǧyt üş eldı qamtidy (Resei, Qazaqstan, Qytai) jäne 10 myŋǧa juyq şaqyrymdy qūraidy. Onyŋ jarty joly – arnaiy aumaqtar. Ekipaj 22 şılde Qytaidyŋ Sian qalasynda märege jetedı. Bır säikestıgı, baǧzy zamandarda būl qala äigılı jıbek joly sauda keruenderınıŋ soŋǧy nüktesı sanalǧan.
Qazırgı uaqytta halyqaralyq ralli-marafonyna qatysuşylar Reseidıŋ barlyq aumaǧyn jürıp öttı. Būl – 15 qala jäne 900 şaqyrym Qazaqstannyŋ şeksız dalasy: Resei şekarasy arqyly Qostanai jäne Astanaǧa deiıngı aumaq.
Qazaqstan astanasynda ekipajdar bır kün tynyǧyp, odan keiın ärı qarai belgılengen baǧyt boiynşa Tian-Şan taulary arqyly Gobi şöl dalasymen Qytaidyŋ Sian qalasyna jetedı. Al äzırge jarysuşylar Qazaqstan aumaǧy boiynşa Astana-Semei-Ürjar baǧytyndaǧy arnaiy uchaskelerdı baǧyndyruy tiıs.
Odan keiın ralli qytailyq Karamage jetıp, Qytaidyŋ jüregı – Pekin qalasyna baǧyt alady.Qazaqstan atynan jarysqa ekı komanda qatysuda. Olar – «Astana Motorsport» jäne «Aktau Motorsport».
– Men osymen «Jıbek joly» ralliıne jetınşı ret qatysyp jatyrmyn. Men onyŋ barlyǧyn öttım. Biyl täjıribe kömektesedı dep oilaimyn. Mäskeuden Sianǧa deiın baramyz, 11 kezeŋ kütıp tūr. Sondyqtan barlyǧy älı alda. Gobidıŋ ırı qūmdary, tözımsız ystyq, nebır qiyndyqtardan ötemız. Bızdıŋ kölıkterımız bızdı jerge qaratpaidy dep oilaimyn, – dedı jarysqa Iveco PowerStar kölıgımen jük kölıgı sanatynda qatysatyn «Astana Motorsports» piloty Artur Ardavichus.
