«Jol kartasymen» jūmys tapty
Elordada «2020-2021 jyldarǧa arnalǧan Jūmyspen qamtudyŋ jol kartasy» baǧdarlamasy aiasynda 15253 jaŋa jūmys ornyn qūru josparlanǧan. Sonyŋ elu paiyzy qalanyŋ Halyqty jūmyspen qamtu ortalyǧy arqyly jürgızıledı. Osy uaqytqa deiın atalmyş baǧdarlama boiynşa 14 myŋǧa juyq adam jūmys tapty. Onyŋ 7489-y atalǧan ortalyq joldamasymen jūmysqa ornalastyryldy.Halyqty jūmyspen qamtu ortalyǧynyŋ habarlauynşa, biyl elordada 151 infraqūrylymdyq jobany jüzege asyru josparlanǧan. Qazırgı taŋda 148 nysan boiynşa tiıstı jūmystar jürgızılıp jatyr. Būl baǧdarlama aiasynda jūmyssyz azamattar mektepter men auruhanalardy, tūrǧyn üilerdı jöndeuge, qūrylysy jürgızılıp jatqan nemese kürdelı, ortaşa jäne aǧymdaǧy jöndeudı qajet etetın injenerlık-kölık infraqūrylymyn qaita jaŋartuǧa jäne saluǧa, kögaldandyru boiynşa jūmystarǧa tartylady.
«Jūmyspen qamtudyŋ jol kartasy» baǧdarlamasyna jūmyssyz retınde tırkeude tūrǧan Nūr-Sūltan qalasynyŋ tūrǧyndary, qalada uaqytşa tırkelgender, infraqūrylymdyq jobalardy ıske asyratyn jūmys beruşı-merdıgerler qatysa alady.
Jol kartasy boiynşa bos jūmys oryndary turaly mälımetterdı enbek.kz portalynda köruge bolady.