Nūr-Sūltan qalasynyŋ mäslihatynda «AMANAT» partiiasynyŋ deputattyq fraksiiasynyŋ keŋeitılgen jiyny öttı. Elorda äkımı, partiianyŋ qalalyq filialynyŋ töraǧasy Altai Kölgınovtıŋ qatysuymen ötken basqosuda «Özgerıster joly: ärbır azamatqa laiyqty ömır!» Jol kartasyn jüzege asyru mäselelerı talqylandy.
Eŋ aldymen Jol kartasyn jüzege asyru boiynşa Qūrylys basqarmasynyŋ basşysy Arsen Janǧasqanov baiandama jasady. Ol qaladaǧy körnektı qūrylys nysandarynyŋ bırı – Q.Mūŋaitpasov atyndaǧy stadionnyŋ ornyna jaŋa sport keşenı salynatynyn mälım ettı. «Būǧan qosa, biyl 22 myŋ oryndyq 16 mektep jäne därıgerler men orta medisina qyzmetkerlerıne arnalǧan 2 jataqhananyŋ qūrylys jūmystary jürgızıledı dep josparlandy. «İlinka» jäne «Jeleznodorojnyi» tūrǧyn üi alaptaryndaǧy dene şynyqtyru-sauyqtyru keşenınıŋ qūrylysy merdıgerlerdıŋ auysuyna bailanysty qaita jandandy» dedı basqarma basşysy.
Dene şynyqtyru jäne sport basqarmasynyŋ basşysy Samat Jylqybaev ippoterapiia ädısı arqyly erekşe qajettılıkterı bar balalardy oŋaltuǧa arnalǧan at sporty keşenınıŋ qūrylysy boiynşa esep berdı. Kölık jäne jol-kölık infraqūrylymyn damytu basqarmasynyŋ basşysy Jansūltan Saparbaev «Jeleznodorojnyi», «Dostyq» jäne «İnternasionalnyi» tūrǧyn alaptaryndaǧy joldar men injenerlık jelılerdı salu turaly baiandady. Atalǧan qūrylys nysandaryna Ūlttyq qordan qajettı mölşerde qarajat bölıngenın, resurstarmen qamtamasyz etılgen soŋ, qūrylys jūmystarynyŋ bırden bastau alatynyn jetkızdı.
Qorşaǧan ortany qorǧau jäne tabiǧatty paidalanu basqarmasynyŋ basşysy Äliia Qojabaeva 2023 jylǧa deiın elordada 123 şaqyrymdyq velosiped joly salynatynyn mälımdedı. Bılım beru basqarmasynyŋ basşysy Qasymhan Senǧazyūly inkliuzivtık bılım beru taqyrybyna erekşe nazar audardy. «Elordamyzda arnaiy qorlardyŋ kömegımen, bılım ordalarynyŋ ūsynystarymen aşylǧan 5 resurstyq ortalyq, autistık spektrı būzylǧan balalarǧa arnalǧan 20 inkliuziiany qoldau kabinetı jäne söileu qabıletı būzylǧan balalarǧa arnalǧan 12 logopunkt bar. Jyl saiyn mektep bazasyndaǧy kabinetter sany köbeiude. Salystyrmaly türde aitsaq, ötken jyly barlyǧy 15 kabinet bolǧan. Iаǧni jyldan-jylǧa erekşe qajettılıgı balalarǧa arnalǧan bılım sapasy men qoldau deŋgeiı ūlǧaiyp keledı. Qazırgı taŋda qala mektepterınde 49 arnaiy pedagog, 169 assistent jūmys ısteidı. İnkliuzivtı bılım berudı damytu jospary qūryldy» dep tüsındırdı ol öz sözınde.
Basqosudyŋ soŋynda «AMANAT» partiiasy qalalyq filialynyŋ töraǧasy Altai Kölgınov fraksiia deputattaryna Jol kartasy baǧdarlamasynyŋ ärbır tarmaǧyn erekşe baqylauǧa aludy jüktep, tekserıs jūmystaryn tūraqty türde jürgızudı, ıstıŋ nätijesın BAQ-tarda jariialau arqyly halyqqa jetkızıp otyrudy tapsyrdy.
