Elordada qala äkımınıŋ orynbasary, «Astana – adaldyq alaŋy» jobasynyŋ kuratory Baqtiiar Mäkennıŋ jetekşılıgımen «Jol üstındegı qauıpsızdıktıŋ keşendı mäselelerı» taqyrybynda döŋgelek üstel öttı.
Döŋgelek üsteldıŋ basynda joldyŋ qauıpsızdıgı men jol sapasyn jaqsartu, kölık infraqūrylymyn jetıldıru, jaiau jürgınşıler ötkelderınıŋ qolaily tūstardan salu, t.b. mäseleler qarastyryldy.
– 2019 jyly jol qauıpsızdıgın saqtau mūnyŋ aldyndaǧy jyldarmen salystyrǧanda jaqsaryp keledı, bıraq onyŋ deŋgeiı älı de bolsa köŋıl könşıtpeidı. Sondyqtan osy baǧyttaǧy aldyn alu jūmystaryn küşeite beruge mındettımız, – dedı Baqtiiar Mäken.
Qalai bolǧanda da jaiau jürgınşılerdıŋ qatysuymen bolatyn jol-kölık oqiǧalary ötkır problemaǧa ainalyp otyr. Jyl basynan berı jol-kölık oqiǧasynan 2216 adam zardap şekken, mūnyŋ 426-sy – jasöspırım balalar. 12 adam qaza tapqan. Qaiǧyly oqiǧalardyŋ köbeiuıne bailanysty jūrtşylyqtyŋ aryz-şaǧymdary da köbeigen. Mäselen, jyl basynan IKOMEK-ke jol-kölık infraqūrylymyna qatysty 19 552 ötınım-aryz kelıp tüsken. Onyŋ ışınde köşenı jaryqtandyru, baǧdarşam, belgıler ornatu, beinebaqylau qyzmetterın ūiymdastyru siiaqty sūraqtar köterılgen.
IKOMEK109 ortalyǧynyŋ direktory Jannat Dübırova jol-kölık oqiǧasy jiı oryn alatyn bırqatar baǧdarlardy atap öttı. Olar: 303 avtobus baǧdary – 5 oqiǧa, № 50, 15 – avtobus baǧdarlary – 5 oqiǧa, № 9, 8 avtobus baǧdarlary – 4 oqiǧa.
Qazırgı künı qala boiynşa 7 myŋnan astam beinekameralar kölık qozǧalysyn baqylap otyrady. Beinebaqylaudyŋ arqasynda köptegen jolda jüru erejesın būzuşylyqtary aşyldy. Jergılıktı bilık ökılderı kelesı jyly beine kameralardyŋ sanyn arttyratynyn jetkızdı.
