Elordanyŋ Memlekettik rämizder Alaŋyndaǧy Memlekettik Tu josparly jöndeu jūmystarynyŋ jürgiziluine bailanysty tūǧyrynan uaqytşa alyndy.
Būl turaly jurnalisterge Esil audany äkimdigi Öndiristik tehnikalyq böliminiŋ bastyǧy Quandyq Husniddinov mälimdedi.
Esteriŋizge salaiyq, 2009 jyly Astana küni merekesi qarsaŋynda «Atameken – Qazaqstan kartasy» etno-memorialdy keşeni maŋyndaǧy alaŋǧa qorǧandy qosa alǧanda biiktigi 111 metr jalausap ornatylyp, oǧan Memleket basşysy audany 15h30 metr bolatyn Memlekettik Tudy kötergen edi.
Tūǧyrdyŋ qūrylys jūmystaryn bastapqyda türiktiŋ «Sembol İnşaat» kompaniiasy jürgizdi. 2011 jyldan bastap tūǧyrdaǧy Tudy qadaǧalau jūmystary Esil audany äkimdiginiŋ qarauyna ötti.
Bölim bastyǧynyŋ aituynşa, ornatylǧanyna üş jyl bolǧan tūǧyrdyŋ tozyǧy jetken. Nysannyŋ 80 paiyz böligi jöndeudi qajet etedi. Būǧan kerekti jabdyqtardyŋ barlyǧy jetkilikti. Aua raiynyŋ qūbylmalylyǧyna bailanysty jöndeu jūmystaryn kidirtip tūrǧan mamandar büginnen bastap iske kirispekşi.
5-7 künge sozylatyn jöndeu jūmystarynan soŋ, Memlekettik Tu tūǧyryna qaita qonatyn bolady.
Şynar DOSAN
