Juyrda Grekiia elınen süiınşı jaŋalyq jettı! Elordalyq qos daryn Rüstem men Mūhammedäli Jügınısovter «Paradise Fest» än baiqauynda jülde aldy.
Aǧaiyndy talanttar Europanyŋ oŋtüstık-şyǧysyna qazaq mädenietın därıpteuge attanǧanyn gazetımızdıŋ ötken sandarynda («Änı men sänı üilesken üielmen», №47, (3104)) jazǧan bolatynbyz. Bırneşe künge jalǧasqan saiys nätijesınde aǧaiyndy Jügınısovter Qazaqstannyŋ abyroiyn asqaqtatyp, Rüstem I oryndy jeŋıp alsa, Mūhammedäli bas jüldenı ielenıptı. Orys halqynda «Alma aǧaşynan alysqa tüspeidı» degen maqal bar. Önerlı otbasynan şyqqan örenderdıŋ erteŋgı künge artqan arman-maqsattary köp.
«Baiqau ädıl öttı. Älemdık deŋgeidegı öner maitalmandary köptegen jobalarǧa atsalysuǧa şaqyrdy. Mūhammedälige «Novaia volna», «Slavianskii bazar» baiqaularyna, Qytai jäne Resei änşılerımen bırge beinebaianǧa tüsuge ūsynys tüstı» deidı Rüstem.
Al, Rüstemge İtaliiadan kelgen qazylar alqasynyŋ közı tüsıp, ony «San Remo» italiialyq änder festivalınde körgısı keletının jetkızıptı. Sondai-aq, Jügınısovterdıŋ tūŋǧyşy Grekiianyŋ jūldyzymen beinebaian jasap, Reseide ötetın «Golos» jobasynda el namysyn qorǧauǧa daiyndyqty bastaidy.
Aita keteiık, būl jülde än älemıne nyq qadam basqan önerpazdardyŋ alǧaşqy jeŋısı emes. Kışkentai Mūhammedäli Grekiiaǧa jol jürerdıŋ aldynda ǧana «Almaly-2014» halyqaralyq saiysynda bas jüldenı qanjyǧalaǧan bolatyn. Sonymen bırge, Ukrainada ötken «Evrovideniede» jarqyrai körınıp, janküierlerınıŋ senımın aqtady. Al, 6 jasynan ülken sahnaǧa qadam basqan Rüstem Mysyr, Polşa, Reseide qazaq önerın äspettep, top jardy.
Maqpal JŪMAŞOVA
