Sanitarlyq-epidemiologiialyq baqylau komitetı «qoiu qyzyl» aimaqtarda 9 tamyzdan bastap «Ashyq köşbasşysy» märtebesı bar nysandarǧa saǧat 00.00-ge deiın, Ashyq jüiesındegı basqa nysandarǧa saǧat 22.00-ge deiın jūmys ısteuge rūqsat berıletının jariialady.
Bas sanitar därıgerdıŋ būǧan deiıngı qaulysynda Ashyq jüiesındegı sauda-oiyn-sauyq ortalyqtary «jasyl» jäne «sary» aimaqtarda şekteusız jūmys rejimıne jıberılse, «qyzyl» aimaqtarda senbı jäne jeksenbı künderı saǧat 10.00-den 22.00-ge deiın jūmys ısteuge rūqsat berılgen bolatyn. Al «qoiu qyzyl» aimaqta saǧat 07.00-den 20.00-ge deiın qyzmet körsetuge rūqsat berılgen edı.
Endıgı şeşım boiynşa atalǧan nysandardyŋ jūmys uaqyty 2 saǧatqa ūzartylyp otyr. Komitet jariialaǧan mälımette 2 tamyzdan bastap Nūr-Sūltan, Almaty, Şymkent, Atyrau jäne Qaraǧandy qalalarynda «qoiu qyzyl» statusqa sai şekteu şaralary engızılgenı aitylǧan. «№33 BMSDQ-nyŋ 11-tarmaǧyna säikes tiıstı aumaqtaǧy kölıktegı Bas memlekettık sanitariialyq därıgerler Ashyq jobasyn ıske asyru mäselelerı boiynşa atalmyş qaulyny basşylyqqa alady jäne «jasyl», «sary», «qoiu qyzyl» aimaqtardaǧy jobaǧa qatysuşylarǧa qatysty karantindık şaralardy qataŋdatu turaly şeşım qabyldauǧa qūqyly emes» – dep jazylǧan resmi aqparatta. «Qoiu qyzyl» aimaq statusy bır apta infeksiialyq tösekterdıŋ jüktelım körsetkışı 70 paiyzdan asqan jäne 100 myŋ tūrǧynǧa şaqqanda 200-den joǧary bolǧan öŋırlerge berıledı.
