Qazaqstan halyq partiiasynyŋ atynan Parlament Mäjılısınıŋ deputattyǧyna ümıtkerler Gauhar Nūǧmanova men Nūrbolat Temırov Pavlodar oblysy Aqsu qalasynyŋ ferroqorytpa zauytynyŋ jūmyskerlerımen kezdestı.
Kezdesu barysynda sailaualdy baǧdarmalamanyŋ negızgı tūjyrymdamasyn tüsındırıp öttı. Jūmysşylar qūqyqtaryn qorǧaityn täuelsız käsıpodaqtarǧa qoldau körsetu kerektıgın atap öttı.
Keiınırek ümıtkerler qala tūrǧyndarymen de kezdesu ötkızdı. Sailauşylarmen bolǧan kezdesude partiia müşesı halyqtyŋ köp bölıgın tolǧandyryp otyrǧan özektı mäselelerge toqtaldy. Atap aitqanda, tegın bılım, medisina, tūrǧyn üi jäne taǧy da basqa mäseleler köterıldı. Kezdesu barysynda G.Nūǧmanova Qazaqstanda azamattardyŋ jaily jäne qauıpsız jaǧdaida ömır süru sapasynyŋ eŋ tömengı standarttaryn zaŋnamalyq türde bekıtu qajet ekenın atap öttı.
– Kepıldendırılgen paketke jaŋa ekologiialyq talaptardyŋ mındettı türde saqtaluy, barlyq eldı mekenderde joldar, äleumettık nysandar (balabaqşalar, mektepter, emhanalar) men demalys oryndarynyŋ salynuy tiıstıgı sekıldı baǧyttar enuı kerek. Bız qazaqstandyqtar üşın jer mäselesın tübegeilı şeşemız. Är otbasy üi salyp, üi şaruaşylyǧyn jürgızu üşın 20 sotyq jer alady. Memleket būl uchaskelerge qajettı barlyq infraqūrylymdy jürgızedı. Azamattar üşın üilerdıŋ ülgılık jobalary äzırlenedı jäne tegın ūsynylady, – dedı Gauhar Nūǧmanova.
Onyŋ aituynşa, Qazaqstan halyq partiiasy adam eŋbegınıŋ qūndylyǧyn tübegeilı qaita qarauǧa ūmtylady. «Bügıngı taŋda qazaqstandyqtardyŋ eŋbegı dūrys baǧalanbaidy. Sondyqtan bız öndırıstegı jäne ziiatkerlık saladaǧy kadrlardy joǧaltyp otyrmyz. Jyl saiyn, negızınen, eŋbekke qabılettı jastaǧy ondaǧan myŋ qazaqstandyq käsıbi äleuettıŋ joqtyǧynan elden ketıp tynady. Jaǧdai būlai jalǧasa bermeuı kerek» dedı Gauhar Nūǧmanova.
Ümıtker jergılıktı tūrǧyndarǧa QHP-nyŋ qai baǧytty ūstanatynyn, onyŋ müşelerı qandai mäselelerdı köteretının egjei-tegjeilı aityp berdı. Atap aitqanda, partiia azamattardyŋ qūqyqtaryn qorǧau, äleumettık kepıldıkter, tölemder, jastar üşın teŋ mümkındıkter jasau, äielder men balalardyŋ qūqyqtaryn qoldau jäne saqtau sekıldı özektı mäselelerdı de köteruge niettı. Gauhar Nūǧmanovanyŋ sailauşylarmen kezdesuı Qazaqstan halyq partiiasynyŋ sailaualdy ügıt-nasihat nauqany aiasynda ūiymdastyryldy.