Qazaqstan Ükımetı qazır eŋbek standarttaryn kezeŋ-kezeŋımen jüzege asyruǧa kırıstı. Soŋǧy ekı jylda qauıpsızdık pen eŋbektı qorǧau boiynşa 430 qoldanystaǧy standart qaita jaŋartyldy, – dedı Qazaqstan Respublikasy Parlamentı Mäjılısınde «100 naqty qadam» Ūlt josparynyŋ 83-qadamy aiasynda jaŋa Eŋbek kodeksın engızudıŋ qorytyndylary turaly «Ükımet saǧatyn» ötkızgen QR Eŋbek jäne halyqty äleumettık qorǧau ministrı Tamara Düisenova.
Ötken jyly eŋbek küşın jaldau jäne jūmystan bosatu mäselelerıne qatysty 4 myŋ käsıporynda 6 myŋnan asa qūqyq būzuşylyq anyqtalǧan. 2016 jyly 5136 tekseru ūiymdastyrylyp, 362 mln teŋgege aiyppūl salynǧan. Sondai-aq, 761 ıs qūqyq qorǧau organdaryna berılıp, eŋbek qauıpsızdıgı men eŋbektı qorǧau qaǧidalaryn būzǧan 161 adam qyzmetınen bosatylǧan.
Aǧymdaǧy jyldyŋ 9 aiynda 17 jūmysşynyŋ 2,2 milliard teŋge eŋbek qaryzy öteldı. Ūjymdyq şartpen 76,6 myŋ käsıporyn nemese jūmys ıstep tūrǧan käsıporyndardyŋ 34,1%-y qamtyldy. Mūnda ırı jäne orta käsıporyndardyŋ qamtylu deŋgeiı 89,3%-ǧa jettı. Soŋǧy 5 jylda ūjymdyq şarttar jasau körsetkışı 19%-ǧa ösken.
Bügın taŋda el ekonomikasynda jūmyspen qamtylǧan azamattardyŋ sany 8,5 millionnan asty.
Būl – şamamen el halqy sanynyŋ teŋ jartysyna juyǧy.
Ministrdıŋ aituynşa, qazırgı uaqytta eŋbekaqy boiynşa merzımı ötken qaryz 1,2 milliardqa juyqtaǧan. Onyŋ 75 paiyzy bankrot käsıporyndar men sauyqtyru kezeŋındegı mekemelerge tiesılı körınedı.
Taŋatar TÖLEUǦALİEV
