«Astana LRT» kompaniiasy nöser kezınde köşege jinalyp qalǧan tereŋ sudan qoǧamdyq kölıkpen ötken jürgızuşını jūmystan şettetu sebebın tüsındırdı.
Mamandardyŋ aituynşa, nöser jauǧan künı Astanadaǧy Momyşūly daŋǧyly men Toqpanov, Saraişyq köşelerındegı jäne basqa da bırqatar avtobus baǧdarlary özgertılgen. Ol turaly jürgızuşıler qūramyna da şūǧyl habar berılgen.
«20 tamyz künı qolaisyz aua raiy kezınde qalalyq bilık qauıpsızdıktı qamtamasyz etu üşın bırqatar şaralar qoldandy. Alaida barlyq tūrǧyndar būl erejenı ūstanǧan joq. Osyǧan orai «Astana LRT» kompaniiasy su basqan köşemen jürıp, avtobus salonyn suǧa toltyrǧan qoǧamdyq kölık jürgızuşısın jūmystan şettettı. Jürgızuşınıŋ būl äreketı jolauşylardyŋ ömırı men qauıpsızdıgıne qater töndırıp, avtobustyŋ bülınuıne äkep soǧar edı. Rölge otyrǧan är jürgızuşı jolauşylardyŋ qauıpsızdıgıne jauapty. Mäselen, jauyn-şaşyn kezınde joldy köru mümkındıgı naşarlaidy. Onyŋ üstıne, kölşık sudyŋ astynda şūŋqyrlar boluy mümkın. Būl jaǧdaida jürgızuşı tasymaldau men qauıpsızdık erejelerıne, polisiia nūsqauyna qaramastan jolauşylardyŋ ömırın qaterge tıgıp, qolaisyzdyq tuǧyzdy. Beinejazbalarǧa qarap, jürgızuşı äreketıne jolauşylardyŋ narazy bolǧanyn, tıptı qoryqqanyn köruge bolady» deidı mamandar.
Jürgızuşı kölık tızgınınen uaqytşa şettetılgenmen, äzırge jūmystan bosatylǧan joq. Qazırgı uaqytta qyzmettık tekseru jūmystary jürgızılude. Aldaǧy uaqytta sonyŋ nätijesıne qarai naqty şeşım qabyldanbaq.
