Ortalyq kommunikasiialar qyzmetınıŋ alaŋynda Memlekettık qyzmet ısterı agenttıgınıŋ töraǧasy Älihan Bäimenov memlekettık qyzmettıŋ jaŋa modelınıŋ negızgı aspektılerıne toqtalyp, «A» korpusyna ırıkteudıŋ aralyq qorytyndysyn jariialady.
Onyŋ aituynşa, jaŋa model boiynşa alǧaş ret oblystyq jäne audandyq deŋgeide personaldy basqarudyŋ bıryŋǧai qyzmetterın qūru közdelgen. Sonyŋ arqasynda jūmys jüielı jolǧa tüsıptı. Mäselen, būryn audandyq jäne auyldyq deŋgeide 5 myŋǧa juyq adam negızgı jūmysymen qatar kadr mäselesımen ainalysatyn. Al, byltyrǧy nauryz aiynan bastap osy ıs 500-dei adamnyŋ ǧana qolyna tapsyryldy. Iаǧni, adam resursterı bosatyldy degen söz. Osylaişa, audandyq deŋgeide personaldy basqaru qyzmetterın käsıbilendırudıŋ institusionaldyq negızı qalanǧan. Mūny ärı qarai jetıldıru üşın kelesı jyly «e-kyzmet» aqparattyq jüiesın qosu josparlanuda.
Agenttık töraǧasy ötken jyldan bastap el azamattary konkursty kütpei-aq testıleuden ötuge qūqyq alǧanyn da aita kettı. Būdan basqa, konkursty ötkızudıŋ merzımı üş esege – 10-15 künge deiın qysqarǧan. Bügıngı künı respublika boiynşa 25 myŋ adamnyŋ qolynda testıleuden ötkenı turaly sertifikat bar eken. Kadrlardy ırıkteu men joǧarylatudyŋ aşyqtyǧyn qamtamasyz etu maqsatynda konkurstyq räsımge baqylauşylar retınde BAQ-tyŋ, qoǧamdyq bırlestıkterdıŋ ökılderı qatysa alady.
«A» korpusyna ırıkteudıŋ aralyq qorytyndylaryna kelsek, qazır būl korpustyŋ kadr rezervınde 400 adam tūr. Naqty ırıkteuge qūjattardy qabyldau aǧymdaǧy jyldyŋ 13-28 nauryzy aralyǧynda jürgızılgen. Bır ümıtkerden bırneşe qyzmetke qūjattardy qatar qabyldauǧa bolatyndyqtan, 873 ümıtkerden 1029 ötınış tüsken. Olardyŋ 792-sı testıleuge jıberılıp, 381 ümıtker şektı mändı eŋsere almaǧan. Sondyqtan, ırıkteudıŋ kelesı kezeŋıne, QR Prezidentı janyndaǧy Kadr saiasaty jönındegı ūlttyq komissiiaǧa äŋgımelesuge 365 adam qatysady. Bolaşaqta şetel ülgısımen Daryndardy basqaru jüiesın de engızu közdelude.
Osynyŋ bärın jetkızgen Älihan Bäimenov VII Astana ekonomikalyq forumy aiasynda tanymal halyqaralyq sarapşylardyŋ qatysuymen üşınşı ret «Memlekettık qyzmet personalyn basqaru: jaǧdaiy men perspektivalary» taqyrybynda jahandyq konferensiia ötetının habarlady.
Amanǧali ŞMİTŪLY
