Jüz jyldyq jylnama

«Qazmedia» ortalyǧynda elımızdıŋ bas basylymy «Egemen Qazaqstan» ­gazetınıŋ 100 jyldyq mereitoiyna orai saltanatty şara öttı. Saltanatty jiynǧa Parlament deputattary, resmi tūlǧalar, öŋırlerden kelgen qonaqtar, BAQ ökılderı qatysty.Aituly mereitoiǧa orai Elbasy Nūrsūltan ­Nazarbaevtyŋ qūttyqtauyn Qazaqstan Respublikasynyŋ Memlekettık hatşysy Qyrymbek Köşerbaev oqyp berdı. «Jaŋalyqty jūrtşylyqqa jedel ärı şynaiy türde jetkızıp, egemen elımızdıŋ memlekettık saiasatyn qalyŋ oqyrman arasynda baiypty nasihattap, el şejıresın qaǧazǧa hattaǧan baiyrǧy basylymnyŋ bedelı ärdaiym biık» dep atap öttı qūttyqtauynda Tūŋǧyş Prezident. Sondai-aq Prezident Q.Toqaevtyŋ da qūttyqtauy oqyldy. «Qazaqstannyŋ şejıresı bas basylymnyŋ tarihymen qatar örbıdı. Täuelsızdık taŋy atqaly gazettıŋ är sanynda Elbasynyŋ barlyq bastamalary men şeşımderı, memlekettık maŋyzy bar ıs-şaralar baiandaldy. Osy igı ürdıs jaŋǧyrudyŋ jaŋa kezeŋınde jalǧasyn tauyp, egemendıkter täuelsızdıgımızdıŋ baiandy boluy jolynda jemıstı qyzmet ete beredı dep senemın» dep lebızın bıldırdı Memleket basşysy. Qalleki teatry da­iyn­daǧan «Jüz jyl jäne jalǧyz sät» dep atalatyn teatrlandyrylǧan qoiylym körsetılıp, ūlt qairatkerlerı el aldyna şyqty.