Memleket basşysy Qasym-Jomart Toqaevtyŋ «Halyq ünıne qūlaq asatyn memleket» tūjyrymdamasyn ıske asyru şeŋberınde 21 qaraşa künı respublika boiynşa «Azamattardy bıryŋǧai qabyldau künı» ıs-şaralary öttı. Osy ıs-şaralardyŋ aiasynda «Janūia» otbasy institutyn qoldau ortalyǧynda elorda äkımı Altai Kölgınov, äkımnıŋ orynbasarlary, basqarma basşylary jäne audan äkımderı azamattardy qabyldady.
Bır künnıŋ ışınde 700-ge juyq adam qabyldandy. Qabyldauǧa jazylǧan tūrǧyndardyŋ köpşılıgın baspana alu, jūmysqa ornalasu, äleumettık kömek alu, balabaqşa kezegıne tūru, ülestık qūrylysqa qatysu siiaqty özektı mäseleler mazalaityny mälım boldy. Mäselen, jazylǧandardyŋ bır bölıgı jalǧa berıletın tūrǧyn üige qatysty saualdar qoidy. Altai Kölgınov tūrǧyndarǧa satyp alu qūqyǧynsyz jalǧa berıletın päterdı 5 jyldan keiın qaitaryp beru mındettı emestıgın aitty.
Būl sanatqa tek jūmys ısteitın jastarǧa satyp alu qūqyǧynsyz jalǧa berıletın päterler kırmeidı. «Jalǧa berıletın päterde şartty är 5 jyl saiyn ūzartyp, ömır boiy tūra beruge bolady. Sız qūjatta körsetken balalaryŋyz jaldamaly tūrǧyn üi şartyn öz atyna qaita resımdeuge qūqyly. Iаǧni päterde qanşa uaqyt tūrsaŋyz da erıktısız» dep tüsındırdı qala basşysy.
Qala äkımınıŋ orynbasary Malika Bektūrova tūrǧyndardyŋ grant, nesie jäne järdemaqşa aluǧa qatysty saualdaryna jauap berdı. «Bas qalada köp jyldan berı «Köşe saudasy – 1000 oryn» atty joba ıske asyrylyp keledı. Odan bölek, «Biznes bastau» jäne «Biznestıŋ jol kartasy» baǧdarlamalary aiasynda astanalyqtarǧa öz käsıbın aşuǧa zor mümkındıkter berılude. Köbınese azamattar ıstı neden bastaitynyn, qaida baratynyn bılmeidı. Bız sony qarapaiym tılmen tüsındıremız» dedı M.Bektūrova.
Aitarlyǧy sol, är azamattyŋ ötınışı eleusız qalmaidy. Altai Seidırūly tūrǧyndardy qabyldau aldaǧy uaqytta jüielı türde jalǧasatynyn mälım ettı. Ötken 4 aidyŋ ışınde qala äkımı 600-ge juyq adamdy jeke özı qabyldaǧan. Mäselelerdıŋ köpşılıgı şeşımın tapty. Sondai-aq azamattardy qabyldau audan äkımdıkterındegı open akimat-ta, qalalyq äkımdıkte ötedı. IQala bıryŋǧai qalalyq qyzmet körsetu ortalyǧy alaŋynda käsıpkerler özderın tolǧandyrǧan saualdaryn bilık ökılderıne tıkelei joldaidy.
