Volonterdıŋ bıryŋǧai diskont kartasy

Aldaǧy «Volonterler jylynda» erıktılerge arnalǧan bıryŋǧai diskont-karta engızıluı mümkın. Sonyŋ kömegımen volonterler mädeniet jäne sport nysandaryna jeŋıldıkpen kıre alady. Būl turaly keşe L.Gumilev atyndaǧy Euraziia ūlttyq universitetınde qalalyq äkımdık pen Qazaqstan halqy Assambleiasynyŋ mūryndyq boluymen ötken «FROM KZ» halyqaralyq jastar forumynda mälım boldy.Jiynda söz alǧan Nūr-Sūltan qalasy äkımınıŋ orynbasary Baqtiiar Mäken Jastar jylyna orai jas elordalyq­tardyŋ bılım aluyna, jūmyspen qamty­luyna, sondai-aq öz-özderın damytuyna baǧyttalǧan bırqatar jobanyŋ jüzege asqanyn jetkızdı.
– «Biznestıŋ jol kartasy-2020» baǧdarlamasy aiasynda biyl 25 jas käsıpkerge – 75 mln teŋge, al «Jas käsıpker» sanaty boiynşa 110 mln teŋge bölındı. Bas-aiaǧy 220 adam özderınıŋ biznes-ideialaryn jüzege asyruǧa mümkındık aldy. Būdan bölek, äleumettık qorǧau şaralarymen 5086 jas qamtyldy. Köpbalaly otbasydan şyqqan 263 balaǧa Nūr-Sūltan men elımızdıŋ özge öŋırlerındegı joǧary oqu oryndarynda oquǧa bılım granty tapsyryldy. Sol siiaqty biyl jūmys ısteitın jastarǧa arnap alǧaş ret 1050 päter 5 jylǧa satyp alu qūqyǧynsyz jalǧa berıledı. Būl baǧdarlama aldaǧy üş jylǧa jalǧasady, – dedı ol.
Mūnymen qosa qala äkımınıŋ orynbasary Memleket basşysynyŋ 2020 jyldy «Volonterler jyly» dep jariia­laǧanyn tılge tiek ete kele:
– Astanadaǧy 245 jastyŋ 82 myŋy studentter bolyp sanalady. Biyl JOO-larda volonterlıkpen ainalysatyn 800-den astam studentke qosymşa 20 myŋ teŋge syiaqy qarastyrylyp otyr. Kelesı jyly būl kvota 50 myŋ teŋgege deiın köterıledı, – dedı.
Erıktılerge qatysty jaŋa mümkındıkter jaily QHA töraǧasynyŋ orynbasary Janseiıt Tüimebaev ta toqtaldy:
– Juyrda ötken «Social Assembly» respublikalyq forumynda belsendı jastar aldaǧy jylǧa bailanysty öz ūsynystaryn aitty. Solardyŋ bırı – är öŋırlerdegı Dostyq üiı bazasynda Volonterlık qozǧalys ortalyqtaryn qūru. Sondai-aq QHA saitynda «Qadam» atty tanymdyq bölım aşyp, onda volonterlık qyzmet üşın paidaly bolatyn kontenttı ornalastyru da aldymyzǧa qoiylǧan maqsat bolyp otyr. Būdan basqa, äleumettık jūmys­tardy atqaru üşın Jas äleumettık käsıpkerler mektebın qūru ideiasy ūsynyldy. Al eŋ maŋyzdysy retınde volonterlerge arnalǧan bıryŋǧai diskont-kartany engızu bastamasyn aitqym keledı. Sol arqyly erıktıler elımızdegı sport jäne mädeni nysandarǧa jeŋıldıkpen kıru mümkındıgın alar edı, – dedı J.Tüimebaev.