Su tasqynymen küreske etnomädeni bırlestıkterdıŋ 12 myŋǧa juyq ökılı qosyldy
Astanada Prezident Qasym-Jomart Toqaevtyŋ Qazaqstan halqy assambleiasynyŋ «Bırlık. Jasampazdyq. Örleu» atty HHHIII sessiiasy öttı, dep habarlaidy astana-akshamy.kz
Otyrysta köterılgen mäselelerge qatysty QHA-nyŋ Astanadaǧy Aqsaqaldar keŋesınıŋ müşesı, EŪU professory Ämırjan Älpeiısov pıkır bıldırdı.
«Memleket basşysynyŋ bügıngı baiandamasy elımızdıŋ saiasi-ekonomikalyq jäne äleumettık mäselelerın qamtydy. Mūnda barlyq mäsele jan-jaqty qarastyrylǧan. Barşaŋyzǧa belgılı, qazır küllı älemde ärtürlı sipatta tabiǧat apatynyŋ sany artuda. Elımız de ülken qaterge tap boldy. Bırneşe aimaqta su tasqyny bolyp jatyr. Öz sözınde, Memleket basşysy būǧan Qazaqstan halqy assambleiasy da belsendı türde kömektesıp jatqanyn aitty. Özderıŋızge belgılı, tasqyn sudan zardap şekken aimaqtarǧa Assambleianyŋ respublikalyq jäne aimaqtyq ştabtary qūryldy. Bügınde «Jürekten jürekke» atty aukymdy aksiia jürgızılude. Öŋırlerge 1500 tonnadan astam eŋ qajettı tauarlar jıberıldı», – dedı spiker.
Su tasqynymen küreske etnomädeni bırlestıkterdıŋ 12 myŋǧa juyq ökılı qosylǧan. Olar qaiyrymdylyq jäne gumanitarlyq kömek jinauǧa järdem berdı. Sonymen qosa, olar jūrtty qauıpsız jerge köşıruge atsalysty.
Spiker sessiiada Qasym-Jomart Toqaev memlekettık saiasattyŋ basty özegı bırlık ekenın basa aitqanyna toqtaldy.
«Prezident kötergen ülken mäselelerdıŋ bırı – memlekettık tıldıŋ alar orny. Öz sözınde türlı mädenietke degen qūrmet, memlekettık tıldı jäne basqa tılderdı de bılu – Qazaqstan azamattaryna tän qasietter ekenı aityldy. Taǧy bır köterılgen mäsele – keibır toptardyŋ arasynda «Assambleianyŋ keregı joq» degen sipatta äŋgımeler bar. Menıŋ oiymşa, būl aitylǧan qaueset – orynsyz. Būǧan qatysty Prezident «Assambleia – keibır adamdar aityp jürgendei, jasandy ūiym emes. Assambleia – el bırlıgın ıs jüzınde ornyqtyra tüsetın tiımdı qūrylym. Bügınde būl – Konstitusiialyq märtebesı bar maŋyzdy qoǧamdyq organ. Assambleia öte auqymdy qaiyrymdylyq şaralaryn der kezınde jäne jedel ūiymdastyryp keledı. Mūnyŋ bärı köp jyldyq jüielı jūmystyŋ nätijesı ekenı sözsız», dep aitty.
Rasymen de, Assambleia müşelerı qaiyrymdylyq jobalary arqyly mūqtajdarǧa ünemı qoldau körsetıp keledı. Menıŋ oiymşa, bırlıgı myqty halyqtyŋ küş-quaty qiyn-qystau uaqytta aiqyn körınıs tabady», – dep sözın tüiındedı Ämırjan Älpeiısov.
