№10 qalalyq emhanada elordalyq därıgerler üşın 11 jastaǧy qyzdarǧa adam papillomavirusyna qarsy vaksinany salu maŋyzy turaly arnaiy ekı kündık oqytu treningı öttı, dep habarlaidy astana-akshamy.kz
Is-şara qalalyq Sanitarlyq-epidemiologiialyq baqylau departamentımen bırlesıp ūiymdastyryldy.
Adam papillomavirusy (APV) – ärtürlı müşelerdıŋ terı men şyryşty qabattaryna äser etetın keŋ taralǧan virustar toby. Onyŋ 14 türı onkogendı – onkologiianyŋ damuyna äkeledı. Tıptı jatyr moiny obyrynyŋ damuyn äieldıŋ adam papillomavirusyn jūqtyruymen bailanystyrady. DDŪ mälımetterı boiynşa 4 elde APV vaksinasyn engızgennen keiın aurudyŋ taraluy aitarlyqtai tömeŋdedı.
Qazaqstanda aǧymdaǧy jyldyŋ küz mezgılınen bastap 11 jastaǧy qyzdardy vaksinasiialau josparlanuda. Būl jas onkologtardyŋ ūsynysyna säikes taŋdaldy: 11-14 jas aralyǧynda immundau tūraqty immunitettı qalyptastyrady. Vaksinasiia ata-anasynyŋ kelısımın alǧannan keiın jürgızıledı.
Aita ketsek, älemde būl vaksinaǧa sūranys öte joǧary. Bügıngı taŋda APV vaksinasy 15 jyldan astam boiy älemnıŋ 135 elınde qoldanylyp keledı.
