Jyl saiyn 26 säuırde Chernobyl AES apatynda qaza tapqandardy halyqaralyq eske alu künı atalyp ötıledı, dep habarlaidy astana-akshamy.kz
Osydan tura 38 jyl būryn Chernobyl atom elektr stansiiasynda älemdegı eŋ ırı tehnogendık apat boldy. Chernobyl atom elektr stansasyndaǧy apattyŋ saldaryn joiuǧa atsalysqandardyŋ erlıgı men jankeştılıgı bolmasa, apattyŋ auqymy būdan da arta tüsuı mümkın edı. Ömırlerı men densaulyǧyna qauıp töndıre otyryp, olar adamdardy radiasiianyŋ ziiandy äserınen jäne odan ärı taraluynan qorǧady.
Bügın Chernobyl AES-ındegı apatty joiuşylar Astana qalalyq Jūmyspen qamtu jäne äleumettık qorǧau basqarmasynyŋ ardagerlermen jūmys bölımınıŋ qyzmetkerlerımen bırge Chernobyl AES qūrbandaryn eske aldy.
Däl osy künı, 1986 jyly 26 säuırde Chernobyl atom elektr stansiiasynda älemdegı eŋ ırı tehnogendık apat boldy. Atmosferaǧa 190 tonnadan astam radioaktivtı zattar şyǧaryldy.
Astana qalasy mäslihatynyŋ 2023 jylǧy 3 qazandaǧy № 84/10-VIII «Astana qalasynda äleumettık kömek körsetudıŋ, onyŋ mölşerlerın belgıleudıŋ jäne mūqtaj azamattardyŋ jekelegen sanattarynyŋ tızbesın aiqyndau qaǧidasyn bekıtu turaly» Astana qalasynda tūratyn Ūly Otan soǧysy ardagerlerıne jeŋıldıkter boiynşa teŋestırılgen tūlǧalarǧa, onyŋ ışınde Chernobyl atom elektr stansiiasyndaǧy apattyŋ zardaptaryn joiuǧa qatysqan ardagerlerge kelesı kömek türlerı qarastyrylǧan: (485 adam)
– qalalyq jolauşylar kölıgınde jeŋıldıktı jol jüru;
– tegın därı-därmekpen qamtamasyz etu 4 emhana arqyly (Şevchenko köşesı, 1)
– sanatorlyq-kurorttyq emdelu jylyna bır ret (Qatarköl sanatorii);
– ekı jylda bır ret tıs protezdeu qyzmetterı;
– ai saiyn 4,5 AEK mölşerınde (16 614 teŋge) bölınetın kommunaldyq qyzmetter üşın aqşalai ötemaqy;
– 26 säuır (Chernobyl atom elektr stansiiasyndaǧy apat qūrbandaryn eske alu künı) bırrettık tölem 45 AEK (166 140 teŋge).
