«Qauıpsızdık saǧaty» qalalyq jobasy şeŋberınde elordanyŋ bılım beru ūiymdarynda därıster, kezdesuler jäne ata-analar jinalystary jalǧasuda, dep habarlaidy astana-akshamy.kz
Osyndai ıs-şaralar qalanyŋ barlyq mektepter men kolledjerınde oqu jyly boiy ötkızıledı.
Kämeletke tolmaǧandar arasyndaǧy qūqyq būzuşylyq mäselelerınde oquşylardyŋ qūqyqtyq mädenietın arttyru maqsatynda 2024 jylǧy 24 säuırınde ZOOM platformasynda Astana qalasy Bala qūqyqtary jönındegı uäkılımen bırqatar taqyryptar aiasynda onlain kezdesu öttı. Olar – «Balalar qauıpsızdıgı», «Jastar arasyndaǧy internetke täueldılıktıŋ aldyn alu», «Kämeletke tolmaǧandar arasyndaǧy qūqyq būzuşylyqtardyŋ aldyn alu», «Jaz mezgılındegı joldaǧy, attraksiondaǧy, su qoimalaryndaǧy qauıpsızdık» jäne t.b.
Kezdesuge Bılım basqarmasy, Astana qalasy äkımdıgı janyndaǧy Äielder ısterı jäne otbasylyq-demografiialyq saiasat jönındegı komissiianyŋ hatşysy, Tötenşe jaǧdai departamentı, Polisiia departamentı, Densaulyq saqtau basqarmasy jäne ombudsmender qatysty.
«Qauıpsızdık saǧaty» jobasy aiasynda Bılım basqarmasy Astana qalasy äkımdıgı janyndaǧy Äielder ısterı jäne otbasylyq-demografiialyq saiasat jönındegı komissiiamen bırlesıp, kämeletke tolmaǧandar, qalanyŋ bılım beru ūiymdarynyŋ ata-analary men pedagogterı arasynda qūqyq būzuşylyqtyŋ aldyn alu jäne t.b. mäseleler boiynşa tüsındıru jūmystaryn jürgızedı.
Kämeletke tolmaǧandar arasyndaǧy qūqyq būzuşylyq, balalar qauıpsızdıgı mäselelerınde oquşylardyŋ qūqyqtyq mädenietın arttyru maqsatynda är spiker men ombudsmen söz alyp, sübelı därısterın jetkızuge tyrysty.
Spikerler men ombudsmender tarapynan san aluan sūraqtar tüsıp, qyzu pıkır-talaspen jalǧasty.
Onlain kezdesuge 200-den astam ombudsmen qatysty.
