Astana qalasynyŋ äkımı Ädılbek Jaqsybekov salynyp jatqan bılım beru jäne densaulyq saqtau nysandaryn aralady.
Jyl aiaǧyna deiın Esıl audanynda 200 oryndyq balabaqşa aşylady. Nysan jaŋa tūrǧyn audanda ornalasqan. Elorda äkımı № 26, № 37, № 38 jäne Husein ben Talal köşelerınıŋ qiylysynda salynyp jatqan 1200 oryndyq mektepke bardy. Öte qolaily jerde ornalasqan jaŋa oqu ordasy da jyl soŋynda paidalanuǧa berıledı.
Sondai-aq, elorda basşysy densaulyq saqtau salasy nysandarymen de tanysty. Atap aitqanda, Qabanbai batyr daŋǧyly men №30 köşenıŋ qiylysynda audany 65 myŋ şarşy metrdı qūraityn 250 oryndyq qalalyq balalar jūqpaly aurular auruhanasy, Temırjolşylar tūrǧyn alabynda ornalasqan 500 oryndyq tuberkulezge qarsy dispanser, sonymen bırge bır auysymda 150 keluşını qabyldai alatyn 250 oryndyq medisinalyq-sanitarlyq oŋaltu ortalyǧy ıske qosylmaq.
