Halyqty tūrǧyn üimen qamtamasyz etu mäselesı bügınde özektı bolyp qaluda. Memleket basşysynyŋ «Nūrly jol – bolaşaqqa bastar jol» taqyrybyndaǧy Joldauy aiasynda Ükımettıŋ aldyna qoiǧan basty mındet – halyqqa qoljetımdı baspana salu.
Prezident tūrǧyndarǧa satyp alu qūqyn bere otyryp, ūzaq merzımdı jalǧa ūsynatyn tūrǧyn üi saludy ūsyndy. Baspanany tıkelei, deldaldarsyz jäne nesiege barynşa tömen paiyzben ūsynu onyŋ satyp alu qūnyn arzandatuǧa mümkındık beredı.
Qazırgı kezde Astanada «Qoljetımdı baspana – 2020» memlekettık baǧdarlamasy aiasynda tūrǧyn üi qūrylysy jürgızılude. Qūrylys basqarmasynyŋ mälımetınşe, naq osy baǧdarlama aiasynda jalpy audany 130 myŋ şarşy metr 2 671 päterlık segız tūrǧyn üi salynyp jatyr.
Sonyŋ ışınde 1 574 päterlık bes tūrǧyn üi keşenın paidalanuǧa beru josparlanǧan.
Būdan basqa, 1135 päterlık 8 tūrǧyn üidıŋ qūrylysy bastaldy. Olardy 2015-2016 jyldary paidalanuǧa beru josparlanǧan.
Jalpy, baǧdarlamany ıske asyru aiasynda Astanada jalpy audany 84,06 myŋ şarşy metr 1 581 päterlık jetı tūrǧyn üi tapsyryldy. 2015 jyly jalpy audany 108,4 myŋ şarşy metr 1 937 päterlık 10 tūrǧyn üidı salu jalǧasady.
