Jylu ortalyǧyn aralady
Elorda basşysy Altai Kölgınov qysqy mausymǧa bailanysty şahardaǧy 1 jäne 2-şı jylu elektr ortalyǧynyŋ daiyndyǧyn tekserdı.
Bügınde 1-jylu elektr ortalyǧy kotloagregat pen turbogeneratormen auystyrylyp, tütın qūbyrlaryn qaita jaŋartu men negızgı jäne qosalqy jabdyqtarǧa montajdau jūmystary jürgızıldı. Sondai-aq qazırgı künı №4 qazandyqty qaita jaŋartu men turbinalaryn auystyru jūmysy jürgızılıp jatyr.
Al 2-jylu elektr ortalyǧynyŋ bas korpusy men su jylytu qazandyǧy keŋeitılıp, №4,5 tütın qūbyrlarynyŋ qūrylysy jäne negızgı jäne qosalqy jabdyqtaryn montajdau jūmystary ısteldı.
Bügınde äleumettık nysandar men tūrǧyn üilerdıŋ jylu beru mausymyna daiyndyǧy 95 paiyzdy qamtidy.
Qala äkımı daiyndyq barysyn öz közımen körıp, jylu elektr ortalyqtary şahardy jylumen qamtamasyz etuge saqadai sai bolu kerektıgın aitty. Qazırgı künı qala üşın qajettı otyn qory jinaqtalǧan.