Elordadaǧy «Promyşlennyi» tūrǧyn alabyndaǧy silikat kırpışın şyǧaratyn, qorşaǧan ortaǧa zarary bar zauyt öz jūmysyn toqtatty
Ötken ǧasyrdyŋ ortasynda salynǧan nysan jūmysyn bastaǧanda, ainalasynda eldı meken bolmaǧan. Egemendık alyp, el astanasyna ainalǧan qala tūrǧyndarymen bırge aumaǧy da ösken. Soŋǧy 10 jyl ışınde zauytqa qoŋsylas ornalasqan «Promyşlennyi» tūrǧyn ala
bynyŋ tūrǧyndary onyŋ külınen jäne qolqany jabatyn jaǧymsyz iısınen zärezap bolǧan. Tūrǧyndardyŋ tılegı eskerılıp, kırpış şyǧaratyn zauytta öndırıs toqtatyldy, qorşaǧan ortanyŋ şamadan tys lastanuyna bailanysty zauyt mörlendı.
Nūr-Sūltan qalasy äkımdıgı Qazaqstan Respublikasynyŋ Ekologiia, geologiia jäne tabiǧi resurstar ministrlıgımen bırlesıp, 30 myŋǧa juyq jergılıktı halyqtyŋ densaulyǧyna ziian keltırgen käsıporynnyŋ qyzmetın sot arqyly mäjbürlep toqtatuǧa qol jetkızdı.
«Bızge Nūr-Sūltan qalasynyŋ Ädılet departamentınen oryndauşylyq qūjaty tüstı. Mamandandyrylǧan audanaralyq ekonomikalyq soty 2022 jylǧy 4 nauryz künı memlekettık saraptamadan ötıp, rūqsat alǧanǧa deiın «Silk-2020» JŞS jūmysyn toqtatu turaly şeşımı şyqqan. 5 nauryz künı atqaruşylyq ıs jürgızudı bastadyq. Sol künı zauyt basşylyǧyna habarlama joldadyq. 10 nauryz künı qūramynda Almaty audany äkımdıgı, Ekologiia departamentı, «Astana-REK» jäne «Astana su arnasy» mekemelerınıŋ ökılderı bar top zauytqa baryp, elektr quatynan, su jüiesınen ajyratyp, qūrylǧylardy orap, mörleu jūmystaryn jürgızdık» deidı memlekettık sot oryndauşy Darhan Batyrhan.
Al elordalyq Ekologiia departamentınıŋ bölım basşysy Jansaia Ahmetova atalǧan käsıporyn 2 sebeppen jabylyp otyr deidı. Bırınşısı – ekologiialyq zaŋdylyq talaptaryn būzǧany üşın, ekınşısı – rūqsat etılgen konsentrasiia normasynan asyp ketu. Atalǧan zauyt jaŋa ekologiialyq saraptama alǧanşa jūmys ıstei almaidy. Ol üşın olar jergılıktı äkımdıkke ötınış jazyp, köpşılıkpen tyŋdaular ötkızıp, tiıstı talaptardy oryndau kerek.
Zauyt ötken aidyŋ soŋynda tyŋdaular ötkızgen eken. Alaida olardyŋ ornalasqan aumaǧy tūrǧyn üilerge tym jaqyn. Talap boiynşa araqaşyqtyq şamamen 500 metrden 999 metrge deiın bolu kerek deidı mamandar.
Şalköde köşesındegı tūrǧyndar da zauyttyŋ jūmysy toqtaǧanyna quanyp otyr. Osy köşedegı köppäterlı üidıŋ 85 jastaǧy tūrǧyny Anna Volkova 27 jyldan berı osynda tūrady. Onyŋ jūbaiy demıkpe dertımen auyrǧan eken. Qolaŋsa iısten qariiaǧa aua jetpei, jiı auyratyn. Bırer jyl būryn dünieden ozǧan. Al Anna äjeidıŋ qan qysymy joǧary bolǧandyqtan, därıgerler esebınde tırkeude tūr. Terezenı aşu mümkın bolmaityn. Aşylsa aşy iıs üidıŋ ışın alyp, külı jihazǧa qonatyn. Būl mäsele jalǧyz menı emes, körşılerımdı de mazalaidy. Jabylǧany dūrys boldy» deidı qart kısı.
Memleket saiasaty käsıpkerlıktı qoldaidy. Alaida odan azamattar ziian körmeuı kerek. 10 jyl boiy oiyna kelgendı ısteu dūrys emes.
«Äkımdık elordalyq Ekologiia departamentımen bırlesıp, tūrǧyndardyŋ ötınışı negızınde zauyt qyzmetıne jospardan tys tekseru jürgızdı. Onyŋ nätijesı boiynşa käsıporyn öz qyzmetın rūqsat etılgen şektı ekologiialyq normalardy būza otyryp jüzege asyrǧany anyqtaldy. Osyǧan bailanysty sot qyzmettı toqtatu turaly şeşım qabyldady. Būl rette atalǧan käsıporynǧa ötemaqy tölenıp, qala tūrǧyndarynyŋ tūrǧylyqty jerınen şalǧai ornalasqan jer telımı ūsynyldy. Bıraq zauyt iesı jer telımınen bas tartqan. Bır aita keterlıgı, ziiandy zauyttyŋ jabyluy «Promyşlennyi» tūrǧyn alabyndaǧy jäne onyŋ maŋyndaǧy köpqabatty tūrǧyn üiler tūrǧyndarynyŋ densaulyǧyn saqtau üşın qajet boldy» deidı Almaty audanynyŋ äkımı Nūrbol Nūrsaǧatov.
Zauyt basşylyǧy 5 jyl boiy aumaqty bosatu jäne ziiandy öndırıs oşaǧyn jabu jönındegı mındettemelerdı oryndaudan jaltaryp kelgen. Osy jyldar ışınde tūrǧyn alaptaǧylar lastanǧan auamen demalyp, özderın jaisyz sezıngen. Sonymen qatar densaulyqtary syr bere bastaǧanyn baiqaǧan. Bölekşe iıstıŋ saldarynan bas auruy, bas ainalu, jürek ainu belgılerı tuyndaǧan.
Būdan būryn «Qazgidromet» Almaty audanyndaǧy Baitūrsynūly köşesı aumaǧynda auanyŋ lastanǧandyǧy turaly derek taratqan. Olardyŋ mälımetı boiynşa bas qalada şektı rūqsat etılgen normalardan 786 ret asyp tüsu baiqalǧan. Qara bastyŋ qamyn küitteimın dep köpşılıktıŋ densaulyǧyn qūrban etuge bolmaidy. Osy jaǧyn da oilanalyq, käsıpker!
