Бас прокуратураның Құқықтық статистика және арнайы есепке алу жөніндегі комитеті және оның аумақтық органдары Республика күнін мерекелеуге орай қоршаған ортаны жақсартуға бағытталған бірқатар экологиялық іс-шара ұйымдастырды.
Елорданың Ботаникалық бағында комитет төрағасы Сәбит Нұрлыбай Есіл ауданының әкімі Асылбек Есенбаевпен бірге қарағай ағаштарын отырғызды.
– Экологиялық даму және қоршаған ортаны қорғау – еліміз үшін маңызды міндеттің бірі. Сондықтан «Жасыл талдар» шарасы барлық азаматтар арасында жақсы дәстүрге айналуы тиіс, – деп Сәбит Нұрлыбай қатысушыларға алғысын білдірді.
Өз кезегінде аудан әкімі Асылбек Есенбаев әр азаматтың елорда келбетін сақтап, дамытуда осындай экологиялық іс-шараларға қатысуы маңызды екенін атап өтті. Мұндай акцияларды Құқықтық статистика және арнайы есепке алу органдары әкімдіктермен бірге еліміздің бірқатар басқа өңірлерінде ұйымдастырды. Қалалардың көшелерін және әкімшілік ғимараттардың аумақтарын тазарту бойынша сенбіліктер өткізілді.
