13-14 қаңтар күндері Астана қаласы әкімдігінің Музыкалық жас көрермен театры Ганс Христиан Андерсеннің «Қар ханшайымы» музыкалық ертегісінің премьерасын көрермен назарына ұсынады.
Ертегінің қоюшы режиссері – Бауыржан Нұрбай, қазақ тіліне аударған – Айнұр Омаш, редакторы – Алтынай Маханбет, сахна суретшісі – Арна Алпысбаева. Спектакльдің басталуы – сағат 11.00.
Ганс Христиан Андерсеннің «Қар ханшайымы» музыкалық ертегісі патша көңілді көрерменге достық пен алғашқы махаббат, адалдық пен сатқындық яғни, өмір жолын таңдау мәселесіне көмектеседі. Ал ересектер үшін – балалық шақ әлеміне еніп, әлемді балалардың көзімен көрудің бірегей мүмкіндігі. Әлем әдебиетінің алтын қорына енген Кай мен Герданың классикалық хикаясы жастарды толғандыра отырып, өскелең ұрпаққа батырлықты, шынайылықты дәріптейді.
