Қытай астанасы Бейжің қаласының орталығында орналасқан «Чаоян» саябағында қазақтың ұлы ақыны әрі ойшылы Абайға арналған ескерткіш ашылды. Ескерткіштің ашылу салтанатына ҚР Сыртқы істер министрі Ерлан Ыдырысов қатысты.

Қазақстан Республикасының Сыртқы істер министрлігі Қырымда өткен референдумға байланысты мәлімдеме жасады. «Қазақстан Қырымда өткен референдумды осы Автономиялық Республика халқының еркін ерік-жігерін білдіруі ретінде қабылдады және қалыптасып отырған жағдайдағы Ресей Федерациясының шешіміне түсіністікпен қарайды. Қазақстан өзінің БҰҰ Жарғысына сәйкес халықаралық құқықтың іргелі принциптерін жақтайтынын атап көрсетеді. «Біз Украинаның дағдарыстан бейбіт түрде шығуын және оны БҰҰ және басқа да беделді халықаралық ұйымдар қамқоршылығымен келіссөздер үдерісі жолымен еңсеруін қалаймыз» делінген мәлімдеме мәтінінде.