Бас қаладағы жаяу жүргіншілер өткелінің алдынан шуылдайтын жолақтар орнатылды. Мұндай қызық жолақтар көлік жүргізушілерінің жаяу адамдар өтетін жерге назарын аударуға көмектеседі.
Қалалық полиция департаменті баспасөз қызметінің мамандары мұндай сызықтар 7 жол учаскесінде орнатылғанын хабарлады. Бұл тәжірибе алдағы уақытта жалғасады дейді олар. «Мұндай шаралар қала жолдарындағы қауіпті учаскелердің санын азайтуға және жол-көлік оқиғаларын болдырмауға мүмкіндік береді» деп атап өтті елордалық полиция департаментінің жетекшісі, генерал-майор Ержан Сәденов. Полицейлер қаладағы әртүрлі жол бөліктерінде қызық жолақтар орнату жөнінде өтініш-хаттар жазады. Негізінен, ондай қауіпті жол бөліктері шағын көшелер мен орамдардың ішкі жағында орналасқан.
