«Астана таңдауы-2014» байқауы аясында елордалық жүргізушілер ерекше жарыста бақ сынасты.
Байқау ұйымдастырушылары жүргізушілердің шеберлігін судың көмегімен байқап көрді. Әрбір жүргізушінің кабинасына су құйылған стакан қойылды. Күрт тоқтағанда немесе тежеуішті басқанда су деңгейі азаяды. Бір айналымнан кейін жүргізушінің стакандағы суы неғұрлым көп болса, оның шеберлігі соғұрлым жоғары болады. Жарыс қорытындысы бойынша №1 автопарктің екі жүргізушісі де тапсырманы жақсы орындап шықты. «Астана таңдауы» байқауы ұйымдастырған акцияға қатысқаны үшін Ақылбек Бекташев пен Қайзиден Тұрсынбековке бейнетіркеуіштер мен құрмет грамоталары табысталды.
Осылайша, «Астана таңдауына» елордалық қоғамдық көлік жүргізушілері белсенді қатысып, өз араларындағы үздіктерді байқауға ұсынуда.
