Бiздiң басқарма еңбек нарығының қажеттiлiгiн ескере отырып, жұмыссыздарды кәсiптiк даярлау және бiлiктiлiгiн нығайту, қайта даярлау сияқты әлеуметтiк қорғаудың белсендi шараларын жүргiзiп келедi.
Кәсiптiк оқытуды ұйымдастыру үшiн бүгiнде «Агентство Лидер» ЖШС, «Узор» ЖШС, «Профессионал»» ОӨО, «Фирма Алан» ЖШС, «Учебный авто-центр» ЖШС, «Қазақ Гуманитарлық-Заң Университетi» АҚ және «Отан» РҚБ әрiптестiк бойынша екiжақты шарт жасалған.
Жұмыссыз азаматтарды кәсiптiк даярлау, қайта даярлау және бiлiктiлiктi арттыру 40 мамандық бойынша жүргiзiлiп келедi. Жұмыссыздар үшiн әлеуметтiк қорғаудың қосымша шарасы ретiнде медициналық куәландыру өтемақысын және жол жүру ақысын төлеу қарастырылған.
Бiр адамның айлық оқу ақысы орта есеппен 48 230 теңгенi құрап отыр. Өткен жылдың басынан берi басқарма мамандары кәсiптiк бiлiм алу мәселелерiмен хабарласқан 1174 адамға кеңес бердi. Олардың 869-ы жұмыссыз жан ретiнде кәсiби дайындықтан өтуге жолданды.
Бүгiнде 853 адам оқуды бiтiрiп, өздерiне қолайлы жұмыс тауып үлгердi.
Оқу бiтiргендердiң 384-i жастар екен. Яғни, өткен жылы кәсiптiк бiлiм алған жастар үлесi 45 пайызды құрап отыр. Бұлардың 372-сi жұмысқа орналасты.
Әйелдердiң үлесi 559 адамды құраған. Олардың 529-ы жұмысқа орналасып үлгердi.
Жоғары немесе кәсiптiк орта бiлiмi бар жұмыссыз азаматтардың бiлiктiлiгiн арттыруға ерекше көңiл бөлiнедi. Алғашқы рет қоғамдық тамақтану кәсiпорындарында әкiмшiлерге, офис-менеджерлерге арналған қонақжайлылық негiздерiнiң курстары ұйымдастырылды. Сондай-ақ, алғаш рет мына мамандықтар бойынша, санитарлық-техникалық жүйелер мен жабдықтар монтажшысы, қоғамдық тамақтану кәсiпорындарының әкiмгерi, офис-менеджер мамандықтарын оқыту мемлекеттiк тiлде жүргiзiлетiн болады. Бұл жұмыссыз азаматтардың еңбек нарығындағы бәсекелестiгiн арттырады. Өйткенi, осы мамандықтар жұмыс берушiлер тарапынан үлкен сұранысқа ие.
Олжас ОМАР,
Жұмыспен қамту және әлеуметтiк бағдарламалар басқармасы бастығының орынбасары
