Астана маңында тұратын Сағадат Атымтаева есімді жалғызбасты ананың жағдайы жайлы әлеуметтік желіде жарияланды. Үйі жоқ, күйі жоқ екенін білген астаналықтар екі күннен бері қолдан келген көмекті бастап кетті.
Бұл туралы естіген қала әкімі Әсет Исекешев те үнсіз қалмады. Тиісті орындарға тапсырма беретінін жеткізген. Артынша көп балалы үйге аудан əкімінің орынбасары мен білім беру басқармасының қызметкерлері барған. Мемлекет тарапынан берілетін барлық көмек пен баспана мәселесі де назардан қалмайтынын айтқан. Енді балаларына киім-кешек жеткізіліп, кішкентай балалары бақшаға орналастырылмақ. Қала тұрғындары болса, ақшалай көмекті бастап кетті. Кеше Сағадат Атымтаеваның өзі барша астаналықтарға ризашалығын білдіріп, алғысын айтты.
Гүлмира АЙМАҒАНБЕТ
