كەشە ەسىل اۋداندىق پوليتسيا باسقارماسىندا استانا قالاسىنىڭ بالا قۇقىقتارى جونىندەگى ۋاكىلدىڭ باستاماسىمەن ۋچاسكەلىك پوليتسيا ينسپەكتورلارى جانە كامەلەتكە تولماعاندار ىستەرى جونىندەگى ينسپەكتورلارى قاتىسۋىمەن «وقۋشىلار اراسىنداعى قۇقىق بۇزۋشىلىقتىڭ الدىن الۋدىڭ وزەكتى ماسەلەلەرى جانە اتا-انالار قاۋىمىمەن, مەكتەپ اكىمشىلىگىمەن ءوزارا ءىس-قيمىل جولدارى» تاقىرىبىندا سەمينار-كەڭەس ءوتتى.
سەمينار-كەڭەستىڭ باستى ماقساتى – وقۋشىلار اراسىنداعى قۇقىق بۇزۋشىلىقتاردىڭ الدىن الۋ جانە بولدىرماۋ, ولاردى زاڭسىز ارەكەتتەر جاساۋدان قورعاۋ.
ءىس-شاراعا مەملەكەتتىك ورگانداردىڭ – ءبىلىم باسقارماسىنىڭ, پوليتسيا دەپارتامەنتىنىڭ, كامەلەتكە تولماعاندار ىستەرى جونىندەگى مامانداندىرىلعان اۋدانارالىق سوتتىڭ وكىلدەرى, سونداي-اق قوعامدىق ۇيىمداردىڭ وكىلدەرى شاقىرىلدى. مودەراتور رەتىندە استانا قالاسىنىڭ بالا قۇقىقتارى جونىندەگى ۋاكىلى ءاسيما بيمەندينا ءسوز سويلەدى.
كەڭەستە كامەلەتكە تولماعاندار اراسىنداعى قىلمىستىڭ جاي-كۇيى, جاسوسپىرىمدەردىڭ دەۆيانتتى مىنەز-قۇلقى, جاسوسپىرىمدەرمەن جۇمىس جاساۋداعى پروبلەمالىق ماسەلەلەر, كامەلەتكە تولماعانداردىڭ ىستەرى جونىندەگى ينسپەكتوردىڭ كامەلەتكە تولماعانداردىڭ قۇقىق بۇزۋشىلىقتارى مەن قىلمىستارىنىڭ الدىن الۋ قىزمەتىنىڭ نەگىزگى باعىتتارى جانە ولاردىڭ اراسىنداعى قۇقىق بۇزۋشىلىقتاردىڭ الدىن الۋ ماسەلەلەرىندە مەملەكەتتىك ورگانداردىڭ ءوزارا ءىس-قيمىلى سەكىلدى وزەكتى ماسەلەلەر تالقىلاندى.
باسقوسۋدا كامەلەتكە تولماعاندار اراسىنداعى قۇقىق بۇزۋشىلىقتاردىڭ الدىن الۋداعى وتباسىنىڭ ءرولى جانە كامەلەتكە تولماعانداردىڭ قۇقىق بۇزۋشىلىقتىڭ بەلگىلى ءبىر تۇرلەرى ءۇشىن اتا-انالاردىڭ جاۋاپكەرشىلىگى تۋرالى ماسەلەلەر كوتەرىلدى.
كامەلەتكە تولماعاندار اراسىندا قۇقىق بۇزۋشىلىقتىڭ الدىن الۋ – وزەكتى ماسەلە. مۇعالىم – وقۋشى – اتا-انا ۇشتىگى ءبىر بايلانىستا بولسا, بالا تاربيەسىندەگى ماڭىزدى ماسەلەلەر شەشىلەر ەدى.
