«نۇر وتان» پارتياسىنىڭ الماتى اۋداندىق فيليالى مەديتسينا قىزمەتكەرلەرىنىڭ مەرەكەسىنە وراي دارىگەرلەردى قۇتتىقتاپ, پارتيا بيلەتى مەن ارنايى سىيلىقتار تابىس ەتتى.
№2 بالالار اۋرۋحاناسىندا وتكەن مەرەكەلىك شارادا «نۇر وتاننىڭ» الماتى اۋداندىق فيليالى توراعاسىنىڭ ءبىرىنشى ورىنباسارى ەرۇلان تولەشوۆ اق حالاتتىلاردى ءتول مەرەكەسىمەن قۇتتىقتاي كەلە, پارتيانىڭ ماقسات-مىندەتتەرى مەن اتقارىپ جاتقان جۇمىستارىن بەلسەندى ناسيحاتتاعان ءبىر توپ دارىگەر مەن مەدبيكەلەردى سىيلىقتارمەن ماراپاتتادى. بۇدان كەيىن №2 قالالىق بالالار اۋرۋحاناسىنىڭ باس دارىگەرى راسۋلبەك ايپوۆ مەديتسينا مەكەمەسىنىڭ جەتىستىكتەرىنە توقتالىپ, بيىل وتكىزىلگەن سپورت سپارتاكياداسىندا وسى ەمدەۋ مەكەمەسىنىڭ ۇجىمى ءبىرىنشى ورىن العانىن جەتكىزدى. ارىپتەستەرىن قۇتتىقتاۋعا اۋرۋحانانىڭ بۇرىنعى باس دارىگەرى, ءماسليحات دەپۋتاتى قارشىعا قۇلمۇحانوۆ تا كەلىپ, جىلى لەبىزىن ءبىلدىردى.
اتالمىش شارا ساكەن سەيفۋللين اتىنداعى كازاق اگروتەحنيكالىق ۋنيۆەرسيتەتىنىڭ ستۋدەنتتەرى قويعان كونتسەرتتىك باعدارلاماعا ۇلاستى.
بوتا جۇمابايقىزى, ستۋدەنت
