نۇر-سۇلتان قالاسىنداعى №2 كوپبەيىندى قالالىق اۋرۋحانانىڭ 30 دارىگەرى ينتەرۆەنتسيالىق كارديوحيرۋرگيا, جۇرەك-قان تامىرلارى اۋرۋلارىن ەمدەۋگە ارنالعان شەبەرلىك ساباعىنا قاتىستى.
كارديولوگتارعا ارنالعان شەبەرلىك ساباعىن ميۋنحەن قالاسىنداعى رەحتس دەر يزار ءبىرىنشى مەديتسينالىق ۋنيۆەرسيتەتى كلينيكاسى جانە ەمحاناسىنىڭ باس دارىگەرىنىڭ ورىنباسارى, الەمدەگى تانىمال كارديولوگتاردىڭ ءبىرى, پروفەسسور كريستيان كۋپاتت وتكىزدى. ينتەرۆەنتسيالىق كارديوحيرۋرگيا, كورونارلى كۇرەتامىرلارداعى ەندوۆاسكۋليارلىق ارالاسۋلاردىڭ نەگىزگى ادىستەرى, ءجىتى ميوكارد ينفاركتىسى بارىسىنداعى قان اينالىمدى قالپىنا كەلتىرۋدىڭ ەندوۆاسكۋليارلىق ادىستەرى تاقىرىبىنداعى شەبەرلىك ساباعى بەس كۇن وتكىزىلدى. بىلىكتىلىكتى شىڭداۋ بارىسىندا پروفەسسور Port Access يننوۆاتسيالىق ءادىسى ارقىلى وتا جاساپ, ناۋقاس جاعدايىنىڭ جاقسارۋىنا دا سەبەپشى بولدى.
