اللو, «استانا اقشامى»!
گۇلنارا سكانديروۆا, قالا تۇرعىنى:
– 2018 جىلدىڭ سوڭىنا دەيىن ەلىمىزدە ەڭبەك كىتاپشالارى جويىلادى دەگەن راس پا؟ سوندا جۇمىسقا تۇراتىن كەزدە قانداي قۇجاتتى كورسەتەمىز؟
بۇل ساۋالعا ەڭبەك جانە حالىقتى الەۋمەتتىك قورعاۋ ءمينيسترىنىڭ ورىنباسارى ناريمان مۇقىشەۆتىڭ جاۋابىن ۇسىنامىز:
– قازاقستاندا e-HR جۇيەسى ءبىرتىندەپ ەنگىزىلەدى. 2019 جىلدان باستاپ جۇمىسقا تۇراتىن كەزدە ەڭبەك شارتتارى ونلاين-تارتىپپەن تولتىرىلادى. الداعى ۋاقىتتا جۇمىسقا قابىلداناتىن كەزدە تەك جەكە كۋالىك قانا قاجەت بولادى. قالعان مالىمەتتەر بازادا ساقتالادى. مۇنداي ءتاسىل بۇرىنعى قاعازباستىلىقتان قۇتقارادى. سايىپ كەلگەندە, بارشا قازاقستاندىقتاردى جۇمىسقا قابىلداۋ تەك جەكە باسىنىڭ كۋالىگى ارقىلى جۇرگىزىلەدى. مەديتسينالىق انىقتاما, ديپلوم سياقتى باسقا قۇجاتتار مالىمەتتەر بازاسىندا تۇرادى. ءبىز جۇمىسقا قابىلدايتىن كەزدەگى قۇجاتتاردى تىركەۋ پروتسەسىن جەڭىلدەتىپ, جۇمىس بەرۋشى مەن جۇمىسشىنىڭ اراسىنداعى ءوزارا قارىم-قاتىناستى ەلەكتروندىق فورماتقا كوشىرەمىز. بۇل ازاماتتاردىڭ تەزىرەك جۇمىس تابۋىنا دا سەپتىگىن تيگىزەدى. مىسالى, ءبىر ادام جۇمىسسىز قالسا, ءبىز اۆتوماتتى تۇردە ونى ەلەكتروندى ەڭبەك بيرجاسىنا شىعارىپ, جۇمىس ىزدەۋىنە كومەكتەسە الامىز.