«iKomek» ورتالىعى مەن رەسپۋبليكالىق ليفت كومپانيالارى قاۋىمداستىعى ىنتىماقتاستىق تۋرالى كەلىسىم جاسادى.
ەندى ەلوردا تۇرعىن ۇيلەرىندەگى جەدەل ساتىلارىنىڭ اقاۋلارى 20-40 مينۋتتىڭ ىشىندە جويىلاتىن بولادى. «قر ليفت كومپانيالارى قاۋىمداستىعى ەلورداداعى 22 ليفت ۇيىمىندا جەدەلساتىلاردىڭ جۇمىستارى مەن ولارعا قىزمەت كورسەتۋ بويىنشا تالاپتاردى, ستاندارتتاردى بەلگىلەدى. وسىلايشا, قالاداعى بارلىق ليفت قوندىرعىلارىنىڭ 80 پايىزىن قامتىماق. كەلىسىم اياسىندا ليفتەردەگى اقاۋلاردى جويۋ ۋاقىتى حابار تۇسكەن ساتتەن باستاپ 20-40 مينۋتتى قۇرايدى» دەلىنگەن حابارلامادا.
قالا تۇرعىندارى «iKomek» ورتالىعىنا نەمەسە ليفت ۇيىمدارىنىڭ ديسپەتچەرلىك قىزمەتتەرىنە تىكەلەي حابارلاسا الادى. ماماندار مالىمەتىنشە, جىل باسىنان بەرى iKomek ورتالىعىنا ەلورداداعى ليفت كومپانيالارىنىڭ قىزمەتى بويىنشا 2216 حابار تۇسكەن.
