استانا قالاسىنداعى ەسىل اۋداندىق اكىمدىگى وسى اۋداننىڭ ۇزاق جىلدار بويى ارداگەرلەر كەڭەسىن باسقارىپ كەلە جاتقان رىستى اتىعاەۆانىڭ مەرەيلى تۋعان كۇنىن سالتاناتتى تۇردە اتاپ ءوتتى.
رىستى اپاي – ەلگەزەك, جانى تازا كىسى. كىم-كىمگە دە قول ۇشىن بەرۋگە دايار تۇرادى. وتباسىلىق قاسيەتىمەن دە كوپكە ۇلگى بولعان ارداقتى انا. سالتاناتتى شارادا تۋعان كۇن يەسىنە استانا قالالىق ارداگەرلەر كەڭەسىنىڭ توراعاسى سانسىزباي ەسىلوۆ ىزگى لەبىزىن ءبىلدىردى.
– رىستى تۇرعىمبايقىزى – وسى ەلورداعا بەلگىلى ازاماتشا. كوپ جىلدار ىشكى ىستەر سالاسىندا جۇمىس ىستەدى. وندا دا جاقسى مىنەزىمەن ەلگە تانىلدى. زەينەتكەرلىككە شىقسا دا ساپتان قالماي, 13 جىل بويى ەسىل اۋداندىق ارداگەرلەر كەڭەسىن جەمىستى باسقارىپ كەلەدى. جاسى ۇلكەن قاريالاردىڭ جاناشىرى. كوپتەگەن قوعامدىق شارالاردىڭ ۇيىتقىسى. وسىنداي ادالدىعى مەن ەڭبەكقورلىق قاسيەتى جوعارى ادامنىڭ ارامىزدا جۇرگەنى جاستارعا ۇلگى. سوندىقتان, ءسىزدى تۋعان كۇنىڭىزبەن قۇتتىقتايمىن. ۇزاق عۇمىر تىلەيمىن, – دەدى ول.
ودان كەيىن اپايدى ءوزى ۇزاق جىلدار ەڭبەك ەتكەن قالالىق ىشكى ىستەر دەپارتامەنتىنىڭ ارداگەرلەر كەڭەسىنىڭ وكىلدەرى قۇتتىقتادى. ەسىل اۋدانىنىڭ اكىمى ءسابيلا مۇستافينا ونىڭ ءومىر جولى مەن قىزمەتتىك بەلەستەرى تۋرالى اقتارىلا سويلەدى. «جاستارعا ۇلگى بولار كىسىمەن ارىپتەس بولىپ جۇرگەنىمىزدىڭ ءوزى ماقتانىش» دەپ تۋعان كۇن يەسىنە سىي-سياپات كورسەتتى.
شارا سوڭىندا مەرەيتوي يەگەرى جينالعاندارعا العىس ايتىپ, اق باتاسىن بەردى.
ازامات ەسەنجول
