بۇگىندە استانادا بالالارعا ارنالعان الاڭقايلار مەن سپورت الاڭدارىن كەشەندى اباتتاندىرۋ, دەمالاتىن كۇركەلەر, ورىندىقتار مەن قوقىس جاشىكتەرىن ورناتۋ بويىنشا جۇمىستار بەلسەندى جۇرگىزىلۋدە. جىل سوڭىنا دەيىن الماتى اۋدانىندا – 10, سارىارقا اۋدانىندا – 19, ەسىل اۋدانىندا 6 اۋلا اباتتاندىرىلادى.
قازىرگى كەزدە الماتى اۋدانىندا 581 اۋلا بار. بيىل 16 كوپ قاباتتى ءۇيدى قامتيتىن 10 اۋلانى كەشەندى اباتتاندىرۋ جوسپارلانعان. بالالارعا ارنالعان 11 ويىن جانە 3 سپورت الاڭى جاسالادى. ازاماتتاردىڭ تازا اۋادا جاتتىعۋىنا دا باسا نازار اۋدارىلادى. وسى ماقساتتا 5 گيمناستيكالىق الاڭدا 56 ترەناجەر ورناتىلادى. اباتتاندىرۋ جۇمىستارى بارىسىندا 80 قوقىس جاشىگى, 72 ورىندىق, 8 كۇركە مەن 8 كىر جاياتىن الاڭ جاسالادى. سونىمەن قاتار, اۋدانى 12801 شارشى مەتر بولاتىن جەردىڭ اسفالتبەتون جابىنى جوندەلىپ, 4465 شارشى مەتر جەرگە جاڭادان اسفالت توسەلەدى.
بىلتىر 27 اۋلا جاڭارتىلدى. تۇرعىندارعا قولايلى بولۋى ءۇشىن بالالارعا ارنالعان 36 جانە 11 سپورت الاڭى جاسالدى, 419 قوقىس جاشىگى, 389 ورىندىق, 30 كۇركە, 38 كىر جاياتىن الاڭ ورناتىلدى. سونداي-اق, جاڭا تۇراق ورىندارى پايدا بولدى.
ەسىل اۋدانىندا 6 اۋلا اباتتاندىرىلادى. جاڭا ويىن جانە سپورت الاڭدارى قويىلىپ, بۇزىلعان ەلەمەنتتەر قالپىنا كەلتىرىلەدى. جوندەۋ جۇمىستارى بارىسىندا ساپالى, قاۋىپسىز شاعىن ساۋلەتتىك پىشىندەر, ترەناجەرلار پايدالانىلادى.
سارىارقا اۋدانىندا 707 اۋلا ورنالاسقان. ۇستىمىزدەگى جىلى 19 اۋلا جاڭارتىلاتىن بولادى. اباتتاندىرۋ باعدارلاماسى كوكتال جانە ءوندىرىس تۇرعىن الاپتارىن دا قامتيدى. اتاپ ايتقاندا, 8 گيمناستيكالىق الاڭعا 80 ترەناجەر ورناتىلادى, جاساندى جابىن توسەلگەن 7 جاڭا سپورت الاڭى, رەزەڭكە جابىن توسەلگەن 7 بالالار الاڭى, قۇمدا ويناۋعا ارنالعان 8 الاڭ جانە ءتۇرلى شاعىن ارحيتەكتۋرالىق پىشىندەر تۇرعىنداردىڭ يگىلىگىنە بەرىلەدى.
2015 جىلى سارىارقا اۋدانىندا 14 اۋلا اباتتاندىرىلىپ, 214 اتكەنشەك, سىرعاناق, ورىندىق پەن قوقىس جاشىگى قويىلعان. سپورتپەن شۇعىلدانىپ, بەلسەندى دەمالۋعا ارنالعان 3 گيمناستيكالىق الاڭعا 33 ترەناجەر ورناتىلدى, زاماناۋي ەكولوگيالىق قاۋىپسىز ماتەريالداردان ازىرلەنگەن جاساندى جابىن توسەلگەن 2 جاڭا سپورتتىق الاڭ جاسالدى.
بوتاگوز ماراتقىزى
