ەلوردادا ATP 250 Astana وpen بەدەلدى ءتۋرنيرى باستالدى. الەمدىك رەيتينگتىڭ جۇزدىگىنە كىرەتىن كاسىبي تەننيسشىلەر رەيتينگ كورسەتكىشى مەن جەڭىمپازدىق اتاققا تالاسادى.
جارىس قارساڭىندا جەرەبە تارتۋ ءراسىمى مەن ىرىكتەۋ ويىندارى ءوتىپ, 32 قاتىسۋشىدان قۇرالعان سايىس كەستەسى ازىرلەندى. ءتۋرنيردىڭ العاشقى راۋندى ۇلتتىق تەننيس ورتالىعىنىڭ بارلىق كورتتارىندا ءوتتى.
ءدۇبىرلى دوداعا قازاقستاندىق سپورتشىلار دا قاتىسادى: رەيتينگتە التىنشى ساتىدا تۇرعان الەكساندر بۋبليك, دەۆيس كۋبوگىنداعى قازاقستان قۇراماسىنىڭ مۇشەسى ميحايل كۋكۋشكين, سونداي-اق ۇيىمداستىرۋشىلاردان ۋايلد-كارت يەلەنگەن دميتري پوپكو مەن تيموفەي سكاتوۆ.
Astana وpen قاتىسۋشىلارى اراسىندا بەنۋا پەر (الەمنىڭ 27-راكەتكاسى), ميومير كەتسمانوۆيچ (39), ادريان ماننارينو (41), دجون ميللمان (44), تەننيس ساندگرەن (48), فەرناندو ۆەرداسكو, فرەنسيس تيافو جانە ت.ب. تەننيسشىلەر بار.
ءتۋرنيردىڭ فينالى ۇلتتىق تەننيس ورتالىعىندا 1 قاراشادا وتەدى. جارىستىڭ جالپى جۇلدە قورى – 275 مىڭ دوللار.
ماتچتاردا كوروناۆيرۋستىق پاندەمياعا بايلانىستى قاتاڭ قاۋىپسىزدىك شارالارى ساقتالعان. بارلىق ويىندار كورەرمەنسىز وتەدى. ماتچتار تىكەلەي ەفيردە QAZSPORT تەلەارناسى جانە Eurosport ارناسى ارقىلى كورسەتىلەدى.
