استانا تاريحىن ايشىقتايدى
كەشە ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە «استانا – تاۋەلسىزدىك تۇعىرى» (Astana25.kz) ۆەب-دەرەكتى جوباسىنىڭ تۇساۋكەسەرى ءوتتى. اتالعان جوبانى ستۋدەنت جاستارعا استانا قالاسى ىشكى ساياسات باسقارماسىنىڭ باسشىسى ەرلان قاناليموۆ تانىستىردى.
تاۋەلسىزدىكتىڭ 25 جىلدىعىنا وراي استانا اكىمدىگى تارتۋ ەتىپ وتىرعان ۆەب-دەرەكتى جوبا كوپشىلىك قاۋىمعا ارنالعان. سەبەبى بۇل جوبادا شيرەك عاسىردا ەلىمىزدىڭ باسىنان وتكىزگەن ايتۋلى وقيعالار ۇسىنىلعان. مىسالى ۆەب-دەرەكتى جوبادا ارحيۆتىك فوتولار مەن ۆيدەوكادرلار ءساتتى بەرىلگەنىن بايقاۋعا بولادى. مۋلتيمەديالىق لونگريد فورماتىندا وقىرماندارعا 1991 جىلدان باستاپ استانانىڭ ميلليونىنشى تۇرعىنىنىڭ ءدۇنيەگە كەلۋىنە دەيىنگى ايرىقشا ساتتەرى قامتىلعان.
ەرلان قاناليموۆتىڭ ايتۋىنشا ۆەب-دەرەكتى جوبا قازاقستان تاريحىنا قىزىعۋشىلىق تانىتقان وقىرمانعا تاپتىرماس دەرەككوزى بولا الادى. سوندىقتان دا ول اتالعان جوبانىڭ قازاق, ورىس جانە اعىلشىن تىلدەرىندە دايىنداۋعا ەرەكشە ءمان بەرگەنىن تىلگە تيەك ەتتى.
– ۆەب-دەرەكتى فورماتتى ەگەمەندىككە جەتۋ جولىنداعى قازاقستان مەن جاڭا استانامىز تاريحىن ۇلكەن اۋديتورياعا جەتكىزۋدىڭ ءتيىمدى ءتاسىلى رەتىندە تاڭداپ الدىق. تاۋەلسىزدىكتىڭ 25 جىلىندا ەلباسىمىز نۇرسۇلتان نازارباەۆتىڭ باسشىلىعىمەن ەلدى دامىتۋعا قاتىستى قىرۋار ىستەر اتقارىلدى. بۇگىندە قازاقستاندىقتار بۇل جايلى الەمگە جار سالىپ, ماقتانىشپەن ايتا الادى. بۇل جوبانىڭ ءبىر ەرەكشەلىگى الداعى ۋاقىتتا مۇنى تولىقتىرىپ, بايىتا تۇسۋگە مۇمكىندىك بار. ەگەر ەرتەڭ سايتتى كورىپ, قانداي دا ءبىر تولىقتىرۋلار ەنگىزۋ كەرەك بولسا, ۇسىنىستارىڭىزدى جولداۋعا بولادى. ويتكەنى جاس بولعاننان كەيىن ويلارىڭىزدا جاقسى يدەيالار بولادى دەپ ەسەپتەيمىن. وسى رەتتە استانا اكىمى اسەت يسەكەشەۆتىڭ مۋلتيمەديالىق جوبانى جاساۋ يدەياسىن قولداعانىنا قۋانىشتى ەكەنىمدى ايتىپ وتكىم كەلەدى, – دەدى باسقارما باسشىسى.
ەرلان قاناليموۆتىڭ ايتۋىنشا اتالعان جوبا الداعى ۋاقىتتا قالاداعى مەكتەپتەردىڭ تاريح ءپانىنىڭ مۇعالىمدەرىنە تانىستىرىلادى.
سەرىك قۇدايبەرگەنۇلى