استانا
باس قالادا الداعى 19-22 ماۋسىمدا 25-ءىنشى دۇنيەجۇزىلىك تاۋ-كەن كونگرەسى وتەدى. ماڭىزى زور اۋقىمدى شاراعا الەمنىڭ 50 ەلىنەن ىسكەر توپ وكىلدەرى مەن عالىمدار قاتىسادى دەپ كۇتىلۋدە.
الماتى
بيىلعى جىلدىڭ العاشقى توقسانىندا الاتاۋدىڭ ەتەگىندەگى اسەم قالا الماتىعا وڭتۇستىك كورەيا, ءۇندىستان مەن رەسەي, قىتاي, تۇركيا, اقش جانە گەرمانيادان 130 مىڭنان استام ادام تۋريستىك ساپارمەن كەلگەن.
اقمولا وبلىسى
وسى ايماقتاعى سۋ قويمالارىندا 50-دەن اسا قوعامدىق كۇزەت ورنى اشىلماق.
اقتوبە وبلىسى
اقتوبە قالاسىندا كەزىندە ۇكىمەت باسشىسى بولعان بەلگىلى مەملەكەت قايراتكەرى, مارقۇم نۇرلان بالعىمباەۆقا مەموريالدى تاقتا اشىلدى. ارداقتى ازامات ءبىر كەزدەرى وسى وڭىردەگى «اقتوبەمۇناي» بىرلەستىگىنىڭ باس ينجەنەرى قىزمەتىن اتقارعان.
قوستاناي وبلىسى
بيىل قوستاناي قالاسىندا بالالارعا ارنالعان «Smart City» ورتالىعى اشىلادى. قازىرگى كۇنى جاڭا ورتالىقتىڭ ورنالاساتىن جەرى انىقتالعان. جوبا اياسىندا بالالار ءبىزدىڭ ەلىمىزدەن باسقا, تمد اۋماعىندا كەڭ تاراعان نوۋ-حاۋلارمەن تانىسىپ, وزىق يننوۆاتسيانى مەڭگەرەتىن بولادى.
شىعىس قازاقستان وبلىسى
ەندى وسى وڭىردەگى دەنساۋلىق ساقتاۋ مەكەمەلەرى 1 شىلدەدەن باستاپ قاعازباستىلىقتان ارىلىپ, تولىقتاي ەلەكتروندى فورماتقا كوشەدى.
قاراعاندى وبلىسى
كەندى ولكەدە بەلگىسىز بىرەۋلەر ءىرى گاباريتتى قوقىستاردى شىعارۋعا ارنالعان جۇك كولىگىن ۇرلاپ كەتكەن. كولىك بۇقار جىراۋ اۋدانىندا ۇشتوبە اۋىلى مەن قۇرىلىس كەنتىنىڭ اراسىنداعى دالالى ايماقتا قولدى بولعان.
قىزىلوردا وبلىسى
قىزىلوردالىق تۇرماعامبەت اتىنداعى حالىق اسپاپتار وركەسترى 1-10 ماۋسىم ارالىعىنداعى تۇركيانىڭ ءتورت قالاسىندا تۇركسوي حالىقارالىق ۇيىمىنىڭ 25 جىلدىق مەرەيتويى اياسىندا تۇركى حالىقتارىنىڭ ونەر فەستيۆالىنە قاتىسىپ كەلدى.
سولتۇستىك قازاقستان وبلىسى
وبلىس ورتالىعىنداعى م.قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتى جانىنان زاماناۋي وقۋ-زەرتحانالىق كورپۋسى سالىنادى. بۇگىندە اتالعان وقۋ ورداسىندا 5,5 مىڭ جاس بiلiم الادى. كەلەسi جىلى ستۋدەنتتەردiڭ سانىن 7 مىڭعا دەيiن ۇلعايتۋ كوزدەلگەن.
