استانادان اۋىلعا دەيىن…
استانا
«قازاۆتوجول Kaztraffic-2018» XV حالىقارالىق كورمەسى وتۋدە. حالىقارالىق شاراعا ەلىمىزدەن بولەك, رەسەي, بەلارۋس, گەرمانيا, فرانتسيا, يتاليا, شۆەتسيا, تۇركيا, كورەيا ەلدەرىنىڭ 100-گە جۋىق كومپانيالارى ءوز ونىمدەرىن اكەلگەن. كورمەدە اۆتوموبيل جولدارىنىڭ قۇرىلىسى مەن ولاردى جوندەۋ, كۇتىپ ۇستاۋ باعىتىنداعى سوڭعى ۇلگىدەگى عىلىمي جانە تەحنولوگيالىق جەتىستىكتەر ۇسىنىلدى.
الماتى
قر تۇڭعىش پرەزيدەنتى كۇنى قارساڭىندا ءال-فارابي اتىنداعى قازاق ۇلتتىق ۋنيۆەرسيتەتىندە «ۇلى دالانىڭ جەتى قىرى» اتتى كورمە اشىلدى. كورمەگە ەلباسىنىڭ ماقالاسىنداعى تاريحي مۇرامىزدىڭ جەتى سيمۆولى, ساندىك-قولدانبالى ونەر ەسكەرتكىشتەرىنىڭ كوشىرمەلەرى مەن ەلىمىزدىڭ ەجەلگى تاريحىنىڭ ءتۇرلى كەزەڭدەرىندەگى ارحەولوگيالىق جادىگەرلەر قويىلعان.
اقتوبە وبلىسى
وبلىس ورتالىعىنداعى قر پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ اقتوبە وبلىسى بويىنشا فيليالى مەن ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىنىڭ عيماراتىندا العاش رەت «ادالدىق» دەپ اتالعان ساتۋشىسى جوق دۇكەن اشىلدى.
تۇركىستان وبلىسى
وبلىس اۋماعىندا «TURKISTAN INVEST» كومپانياسى جالپى قۇنى 507 ملرد تەڭگەنى قۇرايتىن 19 جاڭا ءىرى جوبانى تارتۋ بويىنشا جۇمىستار جۇرگىزىلە باستادى.
سولتۇستىك قازاقستان وبلىسى
الداعى جىلدان باستاپ سولتۇستىك قازاقستان وبلىسىندا بيوەتانول وندىرىلە باستايدى.
شىعىس قازاقستان وبلىسى
وبلىس اۋماعىندا ءجۇز ەلدى مەكەندى اباتتاندىرۋ باعدارلاماسى قولعا الىندى. بۇعان قاجەتتى قاراجات كەلەر جىلى ايماقتىق بيۋدجەتكە كىرگىزىلەدى. ءار ەلدى مەكەنگە ون ميلليون تەڭگە مولشەرىندە قارجى جۇمسالۋ كوزدەلگەن.
پاۆلودار وبلىسى
وبلىس ورتالىعىندا ۇكىمەتتىك ەمەس ۇيىمدار سەكتورىنىڭ وكىلدەرى ءۇشىن ازاماتتىق اليانس ءۇيى اشىلدى.
جامبىل وبلىسى
تارازدا جاستار اراسىنداعى «ءبۇركىتشى-2018» ح چەمپيوناتى ءوتىپ, وعان ەلىمىزدىڭ ءار وڭىرىنەن ۇزدىك ءبۇركىتشىلەر كەلىپ قاتىسقان. چەمپيونات قورىتىندىسى بويىنشا بۇركىتپەن بىرگە اڭ اۋلاۋ جارىسىندا سارمات ابدۋلكارىمۇلى جەڭىسكە جەتسە, سۇڭقارمەن اڭعا شىعۋدا بەرىكبولسىن جالعاسۇلىنىڭ, قارشىعامەن اڭ اۋلاۋدا ساعي ماحمۇتحاننىڭ باعى جاندى.
قاراعاندى وبلىسى
قاراعاندىداعى قايتا وڭدەۋ زاۋىتى ايىنا 4 مىڭ ەسكى كولىكتى كادەگە جاراتىپ, ەكولوگياعا زيان تيگىزەتىن قالدىقتاردان شيكىزات ءوندىرىپ وتىر. بۇگىنگى كۇنگە دەيىن ءوندىرىستىڭ قۋاتتىلىعى ارتىپ, جالپى 57 مىڭ ەسكى كولىك قالدىقتارىن وڭدەگەن.