استانادا مۇعالىمدەر, دارىگەرلەر جانە پوليتسەيلەرگە تۇرعىن ءۇي الۋ ءۇشىن 1 ملن تەڭگەلىك سەرتيفيكات بەرىلە باستايدى.
استانا اكىمدىگى مەملەكەت باسشىسىنىڭ جولداۋىنداعى تاپسىرمانى ىسكە اسىرۋ شەڭبەرىندە باعدارلاما ازىرلەپ, جوعارىدا اتالعان توپتارعا تۇرعىن ءۇي الۋ ءۇشىن 1 ملن تەڭگە كولەمىندە العاشقى سۋبسيديالىق جارنا قاراستىرىپ جاتىر. اكىمدىكتە وتكەن ءباسپاسوز كونفەرەنتسياسىندا جۇمىسپەن قامتۋ جانە الەۋمەتتىك قورعاۋ باسقارماسى باسشىسىنىڭ ورىنباسارى اقمار سايپوۆ جىل سوڭىنا دەيىن 100-گە جۋىق سەرتيفيكات بولىنەدى دەپ مالىمدەدى.
– تۇرعىن ءۇي قۇرىلىس جيناق بانكى مەن استانا اكىمدىگى اراسىندا بەكىتىلگەن كەلىسىمشارت بويىنشا ءبىلىم باسقارماسى, دەنساۋلىق ساقتاۋ باسقارماسى جانە قالالىق ىشكى ىستەر دەپارتامەنتى وزدەرى ىرىكتەۋ جۇرگىزىپ, ءتىزىم جاساپ شىعادى. سودان سوڭ ول ءتىزىمدى اتالعان بانككە تولەم قابىلەتىن راستاۋ ءۇشىن ۇسىنادى. تولەم قابىلەتى بار دەپ باعالانعاندارعا ءبىز سۋبسيديا تولەيمىز. جىل سوڭىنا دەيىن قاراشادا قابىلدانعان ءماسليحاتتىڭ شەشىمىمەن 100 سەرتيفيكات بەرۋدى جوسپارلاپ وتىرمىز. كەلەسى جىلى 3 مىڭ سەرتيفيكات بەرىلەدى, – دەدى اقمار سايپوۆ.
