استانا حالىقارالىق اۋەجايى جولاۋشىلاردىڭ تاكسي قىزمەتىنە قولجەتىمدىلىگىن شەكتەگەنى ءۇشىن 16 ميلليون تەڭگە تولەيتىن بولادى.
استانا قالاسىنىڭ مامانداندىرىلعان اۋدانارالىق اكىمشىلىك سوتىنىڭ شەشىمىمەن تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ دەپارتامەنتىنە «استانا حالىقارالىق اۋەجايى» اق-عا قاتىستى شىعارىلعان 2016 جىلعى 30 ناۋرىزداعى نۇسقامانى زاڭسىز دەپ تانۋ جانە جويۋ تۋرالى ءوتىنىش قاناعاتتاندىرۋسىز قالدىرىلدى.
باسەكەلەستىكتى قورعاۋ سالاسىنداعى زاڭناماسىنىڭ بۇزىلۋىنا دەپارتامەنت ءجۇرگىزگەن تەرگەپ-تەكسەرۋلەر ناتيجەسىندە «استانا حالىقارالىق اۋەجايى» اق-نىڭ ارەكەتتەرىندە تاكسي قىزمەتىن كورسەتۋ ءۇشىن اۋەجايدىڭ ۆوكزال الدى الاڭىنا ءوتۋدى شەكتەۋدە كورىنگەن مونوپولياعا قارسى زاڭنامانى بۇزۋ فاكتىلەرى بەكىتىلدى. اكىمشىلىك ءىس قوزعالىپ, باسەكەلەستىكتى قورعاۋ سالاسىنداعى زاڭناما نورمالارىنىڭ بۇزىلۋىن جويۋ تۋرالى نۇسقاما شىعارىلدى.
استانا قالاسىنىڭ مامانداندىرىلعان اۋدانارالىق اكىمشىلىك سوتىنىڭ قاۋلىسىمەن «استانا حالىقارالىق اۋەجايى» اق-عا مونوپوليالىق قىزمەتتى جۇزەگە اسىرۋ ناتيجەسىندە الىنعان كىرىستىڭ 5 پايىزى – 16 ميلليون تەڭگە كولەمىندە ايىپپۇل سالىندى.
