وتكەن دەمالىس كۇندەرى بولعان جارمەڭكەدە قوستاناي وبلىسىنىڭ تاۋار وندىرۋشىلەرى ەلوردالىقتارعا ءوز ونىمدەرىن ۇسىندى. «حان شاتىر» ساۋدا, ويىن-ساۋىق ورتالىعىنىڭ جانىنداعى ارنايى ۇيىمداستىرىلعان الاڭدا قوستاناي وبلىسىنىڭ 14 اۋدانى مەن ءۇش قالاسىنان 50-دەن اسا كاسىپكەر ءوز ءونىمىن ساۋداعا شىعاردى.
قوستاناي ءوڭىرىنىڭ كاسىپورىندارى باس-اياعى 270 توننا كولەمىندە 100-دەن اسا ءونىم ءتۇرىن اكەلدى. ولاردىڭ اراسىندا 50 توننا ەت, 31 توننا ءسۇت ءونىمى, 20 توننا شۇجىق ءونىمى مەن جارتىلاي فابريكاتتار, 27 توننا جارما مەن ماكارون ونىمدەرى, سول سياقتى 60 توننا كارتوپ پەن كوكونىس, 20 توننا ۇن ونىمدەرى بولدى. بۇدان بولەك, ونىمدەردىڭ اراسىندا نان-توقاش, كونديتەرلىك ونىمدەر, بال جانە ت. ب. باسقا ازىق-تۇلىك ۇسىنىلدى.
– مال شارۋاشىلىعىمەن اينالىسامىز. بيىل وڭىردە مال جايىلىمى جاقسى بولدى. ءبارى سەمىز. ەتىمىزدى العان جۇرت ءدامدى ەكەنىن ايتىپ جاتادى. قوستاناي وبلىسىمەن عانا شەكتەلىپ قالماي, ەلوردا تۇرعىندارىنا دا جەتكىزىپ وتىرعانىمىزعا قۋانىشتىمىز. مەملەكەت كاسىپكەرلەرگە بارىنشا جاعداي جاساپ وتىر. وسىنداي مۇمكىندىك بەرگەن نۇر-سۇلتان مەن قوستاناي وبلىسى اكىمدىكتەرىنە العىسىم شەكسىز, – دەيدى بەكجان ەسىمدى قوستانايلىق كاسىپكەر.
جارمەڭكەگە جينالعان جۇرت قوستاناي وبلىسى تۇرعىندارىنىڭ اراسىندا اسا سۇرانىسقا يە, تانىمال «ميلح», «دەپ», «ليدەر-2010», «تەررا», «پرومبازا 7», «تورعاي ەت» جشس-تەرى, «بايان سۇلۋ» اق جانە باسقا شارۋاشىلىقتاردىڭ ونىمدەرىن مولىنان ساتىپ الدى. ال جارمەڭكەدەگى باعا ءداستۇرلى تۇردە نارىقتان 10-15 پايىزعا ارزان بولدى.
ايتا كەتۋ كەرەك, بيىل ەلوردادا الەۋمەتتىك ماڭىزى بار ازىق-تۇلىك ونىمدەرىنىڭ باعاسىن تۇراقتاندىرۋ ماقساتىندا كوكونىستەر مەن جەمىستەردىڭ ءپىسۋ ۋاقىتىنا ساي 14 جارمەڭكە وتكىزۋ جوسپارلانعان. بۇگىنگە دەيىن ەلىمىزدىڭ ءار وڭىرىنەن 550-دەن اسا كاسىپكەر ەلوردا تورىندە ءوز ءونىمىن ساۋداعا شىعاردى.
