Sport
بارەكەلدى, برەندون بوچەنسكي!
كونتينەنتالدىق حوككەي ليگاسىندا ونەر كورسەتەتىن استانالىق «بارىس» بيىلعى چەمپيوناتتاعى بەسىنشى جەڭىسىنە قول جەتكىزدى.
نوۆوكۋزنەتسك قالاسىنىڭ «مەتاللۋرگ» كومانداسىمەن بولعان وتە تارتىستى ويىننىڭ تاعدىرى تەك وۆەر-تايمدا شەشىلدى. ەكى جاقتىڭ حوككەيشىلەرى قانشا تىرىسقانمەن ويىننىڭ نەگىزگى ۋاقىتىندا ەسەپ اشىلمادى. ال قوسىمشا بەس مينۋتتىق وۆەر-تايمدا الاڭ يەلەرىنىڭ جولى بولدى. اتاپ ايتقاندا, كوماندانىڭ كاپيتانى ءارى ۇزدىك شابۋىلشىسى برەندون بوچەنسكي 63-ءىنشى مينۋتتا قارا شايبانى قوناقتار قاقپاسىندا تۋلاتتى. ءسويتىپ, استانالىقتار كەزەكتى جەڭىسىنە قول جەتكىزدى.
«بارىس» كەلەسى ويىنىن بۇگىن وتكىزەدى. قارسىلاسى «لوكوموتيۆ» (ياروسلاۆل). ماتچ «قازاقستان» سپورت سارايىندا ساعات 19.00-دە باستالادى.
دايىنداعان:
عالىم قوجابەكوۆ