اكىمدىكتە بايقوڭىر اۋدانىندا ورنالاسقان «الاش», «شارىن», «ساپار», «ءامىر» جانە «بيگ شانحاي» ءىرى بازارلاردىڭ ديرەكتورلارىمەن جينالىس ءوتتى.
بازار اكىمشىلىگىنە مەملەكەتكە تيەسىلى جەر تەلىمدەرىندە زاڭسىز سالىنعان قۇرىلىستى بىرنەشە كۇننىڭ ىشىندە بۇزۋ تۋرالى نۇسقاما بەرىلدى. جۇرگىزىلگەن مونيتورينگ ناتيجەسىندە اتالمىش بازارلاردا زاڭسىز سالىنعان ساۋدا جانە ءتۇرلى قىزمەت كورسەتەتىن 159 ورىن انىقتالدى. ونىڭ ىشىندە 26 پاۆيلون, 14 دۇڭگىرشەك, 81 كونتەينەر, سونداي-اق كافە-اسحانا, قالقالار, جاپسارلاس قۇرىلىستار, بيودارەتحانالار بار. بۇل نىسانداردا ورتكە قارسى قاۋىپسىزدىك جانە سانيتارلىق نورمالار ساقتالماعان.
بۇعان قوسا بازار قوجايىندارى مەملەكەتكە تيەسىلى جەردە سالىنعان ساۋدا الاڭدارىن جالعا بەرىپ پايدا تاپقان. اكىمدىك بۇل زاڭسىزدىقتى بىردەن توقتاتۋدى جانە ءۇش كۇننىڭ ىشىندە زاڭسىز ساۋدا ورىندارىن بازارعا تيەسىلى جەر تەلىمىنە كوشىرۋدى تالاپ ەتتى.
سونىمەن قاتار قالا اكىمدىگى اتالعان بازارلار اۋماعىندا قۇرىلىس سالۋ جوسپارلارىن قاراستىردى. قازىرگى كەزدە اۆتوتۇراق بولۋى ءتيىس جەر تەلىمدەرىندە ساۋدا كونتەينەرلەرى مەن پاۆيلوندار قويىلعان. سونداي-اق جيىندا قالاعا كىرەتىن ءىرى جولداردىڭ ءبىرى الاش تاسجولىنداعى كولىك جۇيەسىنە ءتارتىپ ورناتۋ ماسەلەسى قارالدى. بازارلار اكىمشىلىگىنە ورتالىق كىرەبەرىس ەسىكتەردى قاراما-قايشى بەتكە اۋىستىرۋدى, ال كولىك جانە جول-كولىك ينفراقۇرىلىمىن دامىتۋ باسقارماسىنا ساتىپ الۋشىلار ءۇشىن ىڭعايلى كىرمە جولدار, ايالداما
