ەلوردا اكىمدىگىنىڭ سايتىندا Bus Lane-دە جەكە اۆتوكولىكتەردىڭ قاربالاس ۋاقىتتان تىس جانە دەمالىس كۇندەرى ءجۇرۋ ماسەلەسى بويىنشا ناۋرىز ايىنىڭ باسىندا داۋىس بەرۋ ءوتتى.
ونلاين-داۋىس بەرۋگە 706 ادام قاتىستى, رەسپوندەنتتەردىڭ 58 پايىزى ەلوردا جولدارىندا كولىك نوپىرىنە الىپ كەلەدى دەپ سانايدى, ال 41 پايىزى بۇل باستاماعا قولداۋ بىلدىرگەن.
«قالاداعى كەپتەلىس تاڭەرتەڭگى ساعات 7:30-دان باستالىپ, 10:00-گە دەيىن سوزىلۋى مۇمكىن, سول سياقتى ارالىق ۋاقىت بار, تۇسكى ۋاقىتتا كەيدە 13:00-دەن 14:00-گە دەيىن كولىك كوپ جۇرەدى. نەگىزگى قاربالاس شاق – كەشكى ۋاقىتتا, كەيبىر ۋچاسكەلەردە 3-4 ساعاتقا دەيىن سوزىلادى, ول شامامەن 18:00-دەن باستالىپ, 21:00-گە دەيىن جالعاسۋى مۇمكىن» دەيدى «CTS» كولىك كومپانياسى جول قوزعالىسىن ۇيىمداستىرۋ باعىتىنىڭ جەتەكشىسى دۋمان ىسقاقوۆ.
ەلوردادا Bus Lane ارنايى بولىنگەن جولاعىنىڭ جالپى ۇزىندىعى 73,6 كم كوشەنىڭ 26 ۋچاسكەسىندە ەنگىزىلگەن.
