نۇر-سۇلتان قالاسى تىلدەردى دامىتۋ جانە ارحيۆ ءىسى باسقارماسى مەن نۇر-سۇلتان قالاسىنىڭ كاسىپكەرلەر پالاتاسى بىرلەسكەن تۇردە ەلورداداعى تاماقتانۋ ورىندارى (مەيرامحانا, ءدامحانا) باسشىلارىمەن ءتىل تۋرالى زاڭناما تالاپتارىنىڭ ورىندالۋ جاعدايى جونىندە جينالىس وتكىزدى.
ءىس-شاراعا رەستوراتورلار جانە وتەلەرلەر اسسوتسياتسياسى, «Drujba Cafe», «Ariya Hospitality Management», «Black Star Burger Nur-Sultan», «ۋايسوۆا ت.س.» جشس, «گۋرمە كونسالتينگ گرۋپپ» قب وكىلدەرى جانە ت. ب. قاتىستى.
جينالىستا باسقارما باسشىسىنىڭ ورىنباسارى رىسبەك مينايمبەكۇلى سىرتقى جارناما مەن كورنەكى اقپاراتتاردى, دەرەكتەمەلەردى زاڭ تالاپتارىنا سايكەستەندىرۋ جانە تۇتىنۋشىلارعا مەملەكەتتىك تىلدە قىزمەت كورسەتۋدىڭ ماڭىزدىلىعىنا توقتالدى. سونىمەن قاتار اس مازىرلەرى دە ەڭ الدىمەن مەملەكەتتىك تىلدە, قاجەت بولعان جاعدايدا باسقا دا تىلدەردە بولۋ كەرەك ەكەندىگىن اتاپ ءوتتى. سونداي-اق تاماقتانۋ ورىندارىندا قىزمەت كورسەتەتىن ماماندار تەگىن تۇردە جەدەلدەتىلگەن قىسقامەرزىمدى قازاق ءتىلىن ۇيرەتۋ كۋرستارىنا شاقىرىلدى.
