ۇستىمىزدەگى جىلدىڭ 29 مامىرىنا دەيىن جالعاساتىن «بەلسەندى ارداگەر» ايلىعى اياسىندا مەديتسينا قىزمەتكەرلەرى ۇلى وتان سوعىسى ارداگەرلەرىنىڭ ۇيىنە بارىپ, كومەك كورسەتۋدە.
بۇل ايلىق شارا قوعامنىڭ نازارىن مۇگەدەكتەردىڭ, سوعىس ارداگەرلەرىنىڭ, ولارعا تەڭەستىرىلگەن تۇلعالاردىڭ دەنساۋلىعىنا اۋدارۋعا باعىتتالعان. بۇل كۇندەرى وسى ساناتتاعى ازاماتتاردى دياگنوستيكالىق, زەرتحانالىق جانە مەديتسينا-ساۋىقتىرۋ ءىس-شارالارى كەشەندەرىنە قامتىپ, مامانداردىڭ ساراپتامالارى مەن كەڭەستەرى بەرىلەدى.
وتكەن ءبىر اپتانىڭ قورىتىندىسى بويىنشا 400-دەن استام مۇگەدەكتەر, سوعىسقا قاتىسۋشىلار مەن ولارعا تەڭەستىرىلگەن تۇلعالار دارىگەرلىك تەكسەرۋدەن ءوتتى. بۇل يگى ىسكە الەۋمەتتىك قىزمەتكەرلەر مەن پسيحولوگتار دا قوسىلدى. ءبىر اپتادا اكتسيا اياسىندا الەۋمەتتىك قىزمەتكەرلەر مەن پسيحولوگتار ءۇش جۇزگە تارتا تۇلعاعا قىزمەت كورسەتتى. بۇگىندە, وسى ساناتتاعى 389 ادام ەلەكتروكارديوگرافيا اپپاراتىنان ءوتىپ, ۋلترادىبىستىق تالداۋ بويىنشا 216 ادام, كومپيۋتەرلىك توموگرافيادان بەس ادام ءوتتى. ايتا كەتۋ كەرەك, اكتسيانىڭ ءبىرىنشى اپتاسىنىڭ قورىتىندىسى وسى ساناتتاعى تۇلعالار ءۇشىن جاسالىپ وتىرعان مەديتسينالىق قىزمەت كورسەتۋ شارالارىنىڭ ودان ءارى جەمىستى بولۋىنا ۇمىتتەندىرەدى.
