دەموكراتيانىڭ ماڭىزدى ينستيتۋتى
رەفەرەندۋم – تىكەلەي دەموكراتيانىڭ ماڭىزدى ينستيتۋتى. مەملەكەت ءۇشىن جانە ءاربىر جەكە ازامات ءۇشىن ماڭىزدى شەشىمدەر قابىلداۋعا قوعامنىڭ قاتىسۋىنىڭ ءبىر ءتاسىلى. «جاڭا قازاقستان» قۇرعىمىز كەلسە, بىزگە وزگەرىس قاجەت جانە بۇل – سونى ەنگىزۋدىڭ ەڭ وڭتايلى ءارى زاڭدى جولى. جالپىحالىقتىق داۋىس بەرۋ ارقىلى بيلىك پەن قوعام اراسىندا جاڭا فورماتتاعى قارىم-قاتىناس قالىپتاستىرا الامىز.
5 ماۋسىمدا وتەتىن رەفەرەندۋمدا زاڭنىڭ 33 بابىنا وزگەرىس ەنگىزۋ جوسپارلانىپ وتىر, ياعني كونستيتۋتسيا باپتارىنىڭ ۇشتەن ءبىرى وزگەرەدى. قازاقستاننىڭ سۋپەرپرەزيدەنتتىك باسقارۋ نىسانىنان پارلامەنتتى كۇشەيتۋگە كوشۋى, پرەزيدەنتتىڭ تۋىستارىنا جوعارى مەملەكەتتىك لاۋازىمدارعا ورنالاسۋعا تىيىم سالۋى, قازاقستان حالقىنا جەردى جانە ونىڭ جەر قويناۋىن بەكىتىپ بەرۋى, ازاماتتاردىڭ ءوز بەتىنشە كونستيتۋتسيالىق سوتقا جۇگىنۋ مۇمكىندىگى, ت. س. س. ماسەلەلەر قامتىلادى.
وسى تاريحي كەزەڭدە بەلسەندىلىك تانىتۋ ەسكى مودەلدەردەن باس تارتىپ, اشىق, ترانسپارەنتتى قازاقستان قۇرۋ باعىتىندا ۇلكەن قادام بولماق.
ەرلان داكەنوۆ, نۇر-سۇلتان قالاسى ماسليحاتىنىڭ دەپۋتاتى