«ۇركەر» تۇرعىن الابىنداعى №12 قالالىق ەمحانادا اشىق ەسىك كۇنى ءوتتى. وسىدان ەكى جىل بۇرىن اشىلعان جاڭا مەكەمە قازىرگى كۇندە 20 مىڭنان اسا ادامعا مەديتسينالىق قىزمەت كورسەتەدى.
وسى كۇنى ەمحانانىڭ باس دارىگەرى عايسا قۇسايىنوۆ حالىقپەن ەسەپتى كەزدەسۋ وتكىزىپ, قىزمەت ساپاسىن ارتتىرۋ تۇرعىسىندا تۇرعىنداردىڭ تالاپ-تىلەكتەرىن تىڭدادى.
– ارينە, العاش اشىلعان جىلدارى ماماندار جەتىسپەيتىن. تۇرعىندار ءجيى شاعىمداناتىن. قازىر ەمحانانىڭ تەحنيكالىق بازاسى بارىنشا جەتىلدىرىلدى, دارىگەرلەر قۇرامىن تولىقتاي سايلاپ الدىق. جەكە مامانداردىڭ تاپشىلىعىن دا شەشىپ, ولار اپتانىڭ بەلگىلى ءبىر كۇندەرى تۇرعىنداردى قابىلدايتىن بولدى, – دەدى ەمحانا باس دارىگەرىنىڭ ورىنباسارى مەيرامگۇل بولەۋباەۆا.
اشىق ەسىك كۇنى تۇرعىندار قالاۋى بويىنشا قانداعى حولەستەرين, گليۋكوزا دەڭگەيىن ولشەپ, بوي, سالماق, دەنە سالماعىنىڭ يندەكسىن انىقتاپ, كەڭەستەرىن بەردى. سونىمەن بىرگە تۇراقتى تىركەۋى وزگە جەردە بولسا دا, وسى ايماقتا تۇرىپ جاتقانداردىڭ وسى ەمحاناعا قايتا تىركەلۋىنە مۇمكىندىك بەردى.
